Навіны раёна
18 студзеня 2021 года
Старшыня Бешанковіцкага райвыканкама Г.У.Унуковіч працягвае праводзіць сустрэчы ў працоўных калектывах
Сустрэча старшыні раённага выканаўчага камітэта Галіны Уладзіміраўны Унуковіч з працоўным калектывам участка паштовай сувязі Бешанковіцкага аб’яднанага цэха паштовай сувязі Віцебскага філіяла РУП «Белпошта» праходзіла напярэдадні светлага свята Нараджэння Хрыстова, таму пачалася яна з віншаванняў кіраўніка раёна, цёплых пажаданняў калектыву, які годна завяршыў 2020 год, выканаў усе даведзеныя заданні.
Людзям было цікава з першых вуснаў пачуць інфармацыю пра сацыяльна-эканамічнае развіццё Бешанковіччыны ў 2020 годзе. Ён быў складаным, непрадсказальным з-за пандэміі, сусветнага эканамічнага крызісу, аднак працоўныя калектывы спрацавалі лепш, чым у 2019-м, калі было выканана толькі 6 з 13 даведзеных прагнозных паказчыкаў.
Стабільна развівацца і ісці наперад — гэтыя словы кіраўніка раёна сталі лейтматывам сустрэчы. Кожны меў магчымасць задаць Галіне Уладзіміраўне сваё пытанне і атрымаць на яго адказ, папрасіць дапамогі ў вырашэнні жыццёвых праблем. Кіраўніку раёна важна ведаць, што хвалюе насельніцтва, якія задачы вырашаюць работнікі таго ці іншага прадпрыемства. А калі людзі інфармаваныя, у іх менш пытанняў.
Чытаць поўнасцю "Зара"