Навіны раёна

      Супрацоўнікі Дзяржаўтаінспекцыі Бешанковіччыны працягваюць праводзіць прафілактычныя мерапрыемствы, у якіх прымаюць удзел юныя пешаходы.
      На гэты раз дзяржаўтаінспэктары адправіліся ў сацыяльна-педагагічны цэнтр, каб нагадаць яго выхаванцам, як правільна паводзіць сябе на дарозе, каб не стаць удзельнікам ДТЗ.
      Старшы інспектар па адміністрацыйнай практыцы аддзялення ДАІ РАУС Кацярына Крылова і інспектар ДПС Максім Матора правялі з дзецьмі пазнавальную віктарыну, дзе тыя рашалі крыжаванкі, успаміналі асноўныя дарожныя знакі, іх асаблівасці і значэнне, а таксама змадэлявалі найбольш часта сустракаемыя небяспечныя дарожныя сітуацыі. Несумненна, толькі шматразовае паўтарэнне Правілаў дарожнага руху, прайграванне і разбор сітуацый, трэніровачныя практыкаванні і штодзённы станоўчы прыклад дарослых дазволяць дзіцяці адчуваць сябе ўпэўнена ў якасці пешахода, а таксама дапамогуць пазбегнуць аварыйных сітуацый і захаваць жыццё.