Навіны раёна
21 лютага 2022 года
У Бешанковіцкім раёне запланавана адкрыццё новай вытворчасці
Многіх жыхароў раёна цікавіць лёс будынкаў былой Каранеўскай сярэдняй школы.
Як паведамілі ў райвыканкаме, у школьных будынкаў з'явіўся новы ўласнік. Рашэннем раённага выканаўчага камітэта капітальныя будынкі былой установы адукацыі бязвыплатна перададзены ў прыватную ўласнасць ТАА «Скарпіё-Кветка» для арганізацыі вытворчасці харчовых араматызатараў.
ТАА «Скарпіё-Кветка» створана шляхам тэхналагічнага і інтэлектуальнага ўдзелу расійскай кампаніі ТАА «Скарпіё-Арамат», якая з'яўляецца вытворцам харчовых араматызатараў у Расіі ўжо на працягу 30 гадоў. У цяперашні час гэта прадпрыемства вырабляе больш за 10 000 найменняў араматызатараў у сухой, вадкай, эмульсійнай і пастападобнай формах, якія маюць статус ідэнтычныя натуральным або натуральныя.
Плануецца, што адкрыццё новай вытворчасці ў нашым раёне дасць магчымасць не толькі стварыць да пяці новых рабочых месц, але і выпускаць прадукцыю, якая будзе пастаўляцца на ўнутраны рынак і экспарт.