Навіны раёна
У Бешанковіцкім раённым цэнтры культуры ва ўрачыстай абстаноўцы 14-гадовыя юнакі і дзяўчаты атрымалі пашпарты грамадзяніна Рэспублікі Беларусь
Мерапрыемства прайшло напярэдадні святкавання Дня Канстытуцыі ў рамках рэспубліканскай акцыі «Мы - грамадзяне Беларусі».
Ганаровымі гасцямі мерапрыемства сталі: Шведаў Г.М., старшыня Бешанковіцкага раённага Савета дэпутатаў; Заблоцкі М.А., намеснік старшыні райвыканкама; Апанасёнак Н.М., начальнік аддзела ідэалагічнай работы, культуры і па справах моладзі райвыканкама; Ерашоў Аляксандр Іванавіч, начальнік аддзела па адукацыі райвыканкама; Мацюшова Людміла Сяргееўна, вядучы спецыяліст па рэгістру насельніцтва групы па грамадзянстве і міграцыі аддзела ўнутраных спраў райвыканкама; Крачкоўскі Анатоль Вячаслававіч, старшыня Бешанковіцкай раённай арганізацыі грамадскага аб'яднання ветэранаў; Жукоўская Т.А., першы сакратар раённага камітэта грамадскага аб'яднання БРСМ.
З рук ганаровых гасцей свае галоўныя дакументы атрымалі каля 50 старшакласнікаў з шасці школ раёна.
Таксама падчас мерапрыемства былі ўручаны пасведчанні хлопцам і дзяўчатам, якія папоўнілі рады грамадскага аб'яднання «Беларускі рэспубліканскі саюз моладзі».
Выступленне артыстаў Бешанковіцкага раённага цэнтра культуры - Вольгі Сергіенка, Дыяны Сінкевіч і Дыяны Краўцовай, стала той ноткай натхнення, якая стварыла добры настой і эмацыянальны ўздым.