Навіны раёна
У Бешанковіцкім райвыканкаме адбылося пасяджэнне аргкамітэта па святкаванні 75-ай гадавіны Вялікай Перамогі
Важным мерапрыемствам у бягучым годзе з'яўляецца святкаванне 75-й гадавіны з дня Перамогі ў Вялікай Айчыннай вайне.
Падрыхтоўка да гэтай знамянальнай падзеі ў раёне ўжо актыўна вядзецца.
У пасяджэнні аргкамітэта прынялі ўдзел кіраўнікі райвыканкама, раённага Савета дэпутатаў, структурных падраздзяленняў райвыканкама, арганізацый і грамадскіх аб'яднанняў раёна.
Асноўнымі пытаннямі, разгледжанымі на пасяджэнні, былі пытанні сацыяльнай абароны ветэранаў, паляпшэння іх жыллёвых умоў, правядзення комплекснага медыцынскага абследавання, грашовых выплат, віншаванняў і ўшанавання іх у Дзень Перамогі.
Таксама разглядаліся пытанні аб працы па ўвекавечанні памяці абаронцаў Айчыны і ахвяр войнаў, правядзенні разнапланавых мерапрыемстваў інфармацыйнага і выхаваўчага характару ў дзіцячых садках і школах, працы ветэранскіх і маладзёжных грамадскіх аб'яднанняў па падрыхтоўцы да свята, асвятленню падрыхтоўкі і правядзення святкавання 75-годдзя Перамогі ў сродках масавай інфармацыі і іншыя.
У завяршэнне мерапрыемства аргкамітэт падсумаваў, што арганізацыя ўсіх святочных мерапрыемстваў, прысвечаных 75-й гадавіне з дня Перамогі ў Вялікай Айчыннай вайне павінна прайсці на высокім узроўні, і ні адзін ветэран не павінен быць абдзелены ўвагай, удзячнасцю, павагай і пашанай.