Навіны раёна
5 ліпеня 2022 года
У СШ №2 г.п.Бешанковічы працягваецца капітальны рамонт з мадэрнізацыяй
Пра тое, якія менавіта работы праводзяцца ва ўстанове адукацыі, рэдакцыі расказаў начальнік аддзела па адукацыі райвыканкама Аляксандр Ерашоў.
Калі коратка:
Згодна з праектам капітальны рамонт школы будзе праведзены ў два этапы. першы пускавы комплекс, які ўключае ў сябе ўнутраныя работы, а таксама рамонт даху ў сталовай і спартзале, плануецца рэалізаваць да 25 жніўня. Кошт пытання - больш за 2,5 мільёна рублёў.
Падчас другога пускавога комплексу, ён запланаваны на наступны год, будзе праведзена поўная цепларэнавацыя школы, усталяванне вонкавага асвятлення і падсветкі будынка, будаўніцтва сучаснай комплекснай спартыўнай пляцоўкі, велапаркоўкі і добраўпарадкаванне тэрыторыі.
Агульны кошт капітальнага рамонту ўстановы адукацыі - 6 мільёнаў рублёў.