Навіны раёна

19 снежня 2019 года ў Ульская СШ адбылося чарговае мерапрыемства інфармацыйна-адукацыйнага праекта «ШАГ» - «Школы Актыўнага Грамадзяніна» - для навучэнцаў VIII-XI класаў. Для абмеркавання былі прапанаваны тэмы «Традыцыі маёй краіны», «Бяспечныя і адказныя паводзіны - наш свядомы выбар».

Навучэнцы з цікавасцю абмяркоўвалі інфармацыю пра тое, што падмурак дзяржаўнасці - гэта традыцыі і звычаі нацыі. Незалежная Беларусь здолела не толькі захаваць, але і стварыць новыя самабытныя традыцыі, якія сталі арганічнай часткай беларускага грамадства. Яны заснаваныя на патрыятызме, справядлівасці, працавітасці, павазе да гістарычнай і культурнай памяці, талерантнасці і міралюбнасці нашага народа.

Праблема бяспекі жыццядзейнасці чалавека ў сучасных умовах - адна з самых актуальных. Матэрыялы блока «Бяспечныя і адказныя паводзіны - наш свядомы выбар» прымусілі навучэнцаў задумацца пра тое, што дзяржава клапоціцца пра новае пакаленне. Але важна, каб і падлеткі, выбіраючы бяспечныя паводзіны, клапаціліся пра сябе і будучыні сваёй краіны.

У рамках рэспубліканскай акцыі «Бяспечны Новы год!» на сустрэчы з навучэнцамі прысутнічаў в.а. начальніка ПАСП №15 аг. Ула В.В.Сцепанец. Валянцін Васільевіч расказаў, як важна падрыхтаваць чалавека да надзвычайных сітуацый, умення знаходзіць выйсце з сітуацый, небяспечных для жыцця і здароўя. Асноўная задача ратавальнікаў - выхоўваць у дзяцей разуменне, што не бывае бяспечных піратэхнічных вырабаў, нагадаць, што наперадзе зіма, і праверыць, ці ўсе памятаюць правілы паводзін на лёдзе, распавесці, дзе ў доме самае бяспечнае месца для навагодняй елкі.

Навучэнцы глядзелі пазнавальныя відэафільмы, а ў заключэнне В.В.Сцепанец уручыў усім памяткі і пажадаў правесці святы не толькі цікава, але і бяспечна!

"Зара"