Навіны раёна

"Не любіць лес немагчыма», - у адзін голас кажуць працаўнікі Бешанковіцкага лясгаса. І гэтым словам нельга не паверыць - у лясную галіну землякі прыйшлі па зову сэрца і шмат гадоў усёй душой адданыя сваёй працы.

Дарэчы, ніводнае прадпрыемства ў райцэнтры не мае такіх людскіх рэсурсаў, як Бешанковіцкі лясгас. Сёння там працуюць каля 280 чалавек. Ляснічыя, лесаводы, майстры, вальшчыкі, лесарубы, машыністы трылевачных лесанарыхтоўчых машын, вадзіцелі і трактарысты на вывазе лесу, станочнікі дрэваапрацоўчых станкоў... Крэпкі калектыў, дзе цэняць працавітых і адказных.

Чацвёрты год дэманструе высокія вытворчыя паказчыкі цэх дрэваапрацоўкі, дзе працуе каля 20 чалавек. Тут упэўнена нарошчваюць аб'ёмы вытворчасці. Прадукцыя бешанкавічан запатрабавана як на ўнутраным рынку, так і ў краінах блізкага і далёкага замежжа.