Навіны раёна
Хто з маладых механізатараў Бешанковіцкага раёна стане лепшым
“Лепшы па прафесіі” — такое спаботніцтва сярод маладых удзельнікаў пасяўной кампаніі арганізавана аддзелам ідэалагічнай работы, культуры і па справах моладзі райвыканкама сумесна з упраўленнем райсельгасхарчу і райкамам прафсаюза работнікаў АПК.
Удзел у спаборніцтве, якое праходзіць з красавіка па май, прымаюць механізаторы ва ўзросце да 31 года (у тым ліку маладыя механизаторы, прыцягнутыя да працы з іншых прадпрыемстваў і арганізацый раёна), занятыя на веснавых палявых работах: падрыхтоўцы глебы (унясенні мінеральных угнаенняў, узворванні, культывацыі і інш.) і сяўбе збожжавых і зернебабовых культур.
Перамогуць тыя, хто не толькі забяспечыў найбольшую прадукцыйнасць працы, але выканаў усё якасна, без парушэнняў працоўнай і агульнай дысцыпліны. Падвядзенне вынікаў і ўзнагароджанне пераможцаў адбудзецца на раённым мерапрыемстве, прысвечаным Дню работнікаў сельскай гаспадаркі і перапрацоўчай прамысловасці аграпрамысловага комплексу. Лідары кожнай з намінацый будуць узнагароджаны памятнымі прызамі і граматамі аддзела ідэалагічнай работы, культуры і па справах моладзі райвыканкама.