Навіны раёна

З панядзелка, 23 снежня, у Бешанковічах быў дадзены старт навагоднім мерапрыемствам. Раней камунальнікі паклапаціліся аб святочным афармленні цэнтральнай плошчы, важны атрыбут Новага года - ілюмінацыя - з'явілася на аб'ектах гандлю, адміністрацыйных будынках. У вячэрні час святочны настрой стварае музыка, якія разносяць па цэнтры горпасёлка дзякуючы сувязістам.

У аўторак, 24 снежня, у РЦК адбыўся калядны канцэрт «Навагодні серпантын». На гэтым тыдні культработнікі штодня весяляць дзятву на навагодніх спектаклях і ранішніках, а таксама віншуюць дзетак на хаце, ладзяць для падлеткаў дыскатэкі, запрашаюць прыдвінцаў на выставы-кірмашы навагодняй прадукцыі.

У ноч з 31 снежня на 1 студзеня на цэнтральнай плошчы Бешанковічаў адбудзецца тэатралізаванае прадстаўленне. Пачнецца мерапрыемства ў 1 гадзіну ночы і працягнецца да 3 гадзін. 7 студзеня адбудзецца калядны канцэрт, а 13 студзеня культработнікі зноў запросяць бешанкоўцаў весела правесці час. Тэатралізаванае прадстаўленне «Калядкі прынеслі Святкі» запланавана на 18 гадзін. Дарэчы, забаўляльныя навагоднія мерапрыемствы пройдуць ва ўсіх сельсаветах раёна, за іх правядзенне адказваюць работнікі ўстаноў культуры.

"Зара"