Навіны раёна
«Засвяціся» ў цемры
На тэрыторыі раёна працягваюцца прафілактычныя мерапрыемствы па папярэджанні дарожна-транспартных здарэнняў з удзелам пешаходаў, веласіпедыстаў і коннага транспарту ў цёмны час сутак.
З пачатку года на тэрыторыі раёна дзяржаўтаінспэктары выявілі 137 парушальнікаў, якія перасоўваліся ў цёмны час сутак без флікераў, 5 з іх да таго ж былі ў стане алкагольнага ап'янення. Для прыкладу: у мінулым годзе за аналагічны перыяд да адказнасці былі прыцягнутыя 720 чалавек.
Згодна з ч. 1 арт. 18.23 КаАП Рэспублікі Беларусь, падобнае парушэнне цягне папярэджанне або накладанне штрафу ў памеры ад адной да трох базавых велічынь. За тое ж дзеянне, учыненае ў стане алкагольнага ап'янення, прыйдзецца заплаціць ад трох да пяці базавых велічынь.
Супрацоўнікі ДАІ заклікаюць вадзіцеляў быць больш уважлівымі на дарогах пры руху ў дрэнных умовах надвор'я і адказна ставіцца да захавання хуткаснага рэжыму.