Новости района

3 июля 2021 года

Руководство Бешенковичского района направило поздравление жителям Бешенковиччины с Днем Независимости Республики Беларусь

Паважаныя ветэраны, жыхары і госці Бешанковіччыны!
Прыміце шчырыя віншаванні з Днём Незалежнасці Рэспублікі Беларусь і 77-годдзем вызвалення Беларусі ад нямецка-фашысцкіх захопнікаў!
Гэта свята аб’ядноўвае лёсы розных пакаленняў, нагадвае пра доўгі і няпросты шлях станаўлення нашай дзяржавы. Мы ведаем цану сапраўднай свабоды. Усведамляем сілу адзінства народа, яго патрыятызму і веры
ў будучыню. Разумеем, што суверэнітэт — гэта наш галоўны набытак.
Наш святы абавязак — захоўваць памяць аб Вялікім Подзвігу, перадаваць яе будучым пакаленням, берагчы і ўмацоўваць мір на сваёй зямлі. Любоў да Айчыны, павага да сваёй гісторыі служаць яднанню народа, з’яўляюцца залогам моцы і росквіту Беларусі. Сёння мы мэтанакіравана і ўпэўнена ўвасабляем
у рэальнасць мару многіх пакаленняў — прыводзім у парадак родную зямлю, гадуем дзяцей,
падтрымліваем таленты навукі, культуры, мастацтва, спорту.
Няхай гэты знамянальны дзень, які стаў сімвалам мужнасці і гераізму беларускага
народа, натхняе нас на новыя дасягненні.
Жадаем усім моцнага здароўя, мірнага неба над галавой, шчасця, поспехаў ва ўсіх пачынаннях і дабрабыту!
Галіна УНУКОВІЧ, старшыня раённага выканаўчага камітэта.
Генадзь ШВЕДАЎ, старшыня раённага Савета дэпутатаў.

Вернуться