Спартыўнае свята для дзяцей і іх бацькоў

У рамках правядзення першага этапу Рэспубліканскай акцыі «Не пакідайце дзяцей адных!» работнік Бешанковіцкага раённага аддзела па надзвычайных сітуацыях Дар'я Берасцень правяла спартыўнае свята «Мама, тата, мы – у бяспецы моцныя!» з бацькамі і навучэнцамі сярэдняй школы №2 райцэнтра.

Спартыўныя спаборніцтвы – гэта заўсёды весела і выклікае мора эмоцый. А калі спаборнічаць трэба разам са сваімі бацькамі, то такое мерапрыемства не толькі даставіць масу станоўчых эмоцый, але і ўрэжацца ў памяць на доўгія гады.

Дзеці і бацькі спаборнічалі ў спрыце і хуткасці, паказвалі сілу духу ў камандных заданнях, а таксама адказвалі на пытанні аб бяспецы. Варта адзначыць, што з году ў год веды ўдзельнікаў акцый становяцца ўсё больш поўнымі і шырокімі, што сведчыць аб тым, што праводзімая Міністэрствам па надзвычайных сітуацыях работа не дарэмная.

Спаборніцтва выдалася ўпартай. Кожны спрабаваў «здабыць» перамогу для сваёй каманды. Аднак галоўнай задачай ратавальнікаў было паказаць бацькам, што сумеснае з дзецьмі баўленне часу можа стаць вельмі займальным і цікавым, і, вядома ж, дзеці будуць пад надзейным наглядам сваіх бацькоў!