Тэлемосты напярэдадні Дня Перамогі працягнуліся паміж школамі Бешанковіцкага раёна і Вурнарскага раёна Чувашскай Рэспублікі

Гэтыя лічбавыя сустрэчы, што пераадолелі сотні кіламетраў, сталі жывым дыялогам пакаленняў, аб'яднаных агульнай гісторыяй і агульнай удзячнасцю.

Адразу тры школы раёна выйшлі на сувязь з братамі-расіянамі. СШ №1 г.п. Бешанковічы ім. І.І. Строчкі арганізавала тэлемост з Вурнарскай СШ №1 ім. І.Н. Нікіфарава, СШ №2 г.п. Бешанковічы ім. М.Н. Ткачэнкі – з Вурнарскай СШ №2. Бачейкаўская БШ ім. М.А. Высогорца — з Санарпасінскай СШ Вурнарскага раёна. Разам з юнымі бачейкаўцамі і іх педагогамі ў віртуальнай сустрэчы з санарпасінскімі школьнікамі прынялі ўдзел старшыня райвыканкама Галіна Унуковіч, яе намеснік Алена Баранава і начальнік аддзела па адукацыі райвыканкама Вольга Красакова. Побач з землякамі прывітала сяброў і кіраўнік Вурнарскага раёна Надзея Нікандрава.

У ходзе кранальных і шчырых гутарак яе ўдзельнікі абменьваліся гісторыямі пра подзвігі сваіх землякоў, распавядалі пра працу па захаванні памяці, якую вядуць у сваіх музеях і на мемарыялах. Кожная такая гісторыя – гэта не проста старонка падручніка, а жы«Наша агульная, узаемная імкненне да міру, згоды, дабрабыту выяўляецца ў тым ліку і ў нашых супольных праектах, у нашых марах, нашых планах і нашых рэальных дзеяннях па абароне тэрыторыі сваіх дзяржаў, — падкрэсліла Галіна Унуковіч. — Упэўнена, што для маладога пакалення гэта мерапрыемства будзе значным і стане важным момантам у імкненні захаваць мір і дабрабыт на нашай Зямлі. Бо той, хто памятае гісторыю, ведае, да чаго ён імкнецца».

І вынікам значнай сустрэчы ў Бачэйкаўскай СШ стала падпісанне пагаднення аб супрацоўніцтве паміж навучальнымі ўстановамі. Гэты дакумент – не фармальнасць, а фундамент для будучай сістэматычнай працы. У планах – супольныя даследчыя праекты па ваеннай гісторыі, рэгулярныя віртуальныя канферэнцыі, абмен творчымі працамі. Гэта дамова аб сяброўстве, заснаванай на разуменні і павазе да агульнага мінулага.

У чарговы раз сучасныя тэхналогіі дазволілі не проста правесці анлайн-сустрэчу, а запаліць іскру ўзаемаразумення ў сэрцах маладых людзей. Памяць аб Вялікай Перамозе, ачышчаная ад сухой статыстыкі і напоўненая асабістымі, чалавечымі гісторыямі, становіцца магутнай выхаваўчай сілай. Яна вучыць шанаваць мір, паважаць гераізм продкаў і адчуваць сваю адказнасць за будучыню.

Гэта супрацоўніцтва – лепшы прыклад таго, як нашчадкі Перамогі, якія жывуць у розных кутках некалі адзінай краіны, разам захоўваюць агонь удзячнай памяці, каб ён ніколі не згас.

"Зара"