️Тэму падняў жыхар вуліцы Камсамольскай гарпасёлка, які прыйшоў да старшыні райвыканкама, каб прасіць садзейнічання ў добраўпарадкаванні дарожнага палатна на вуліцы, маўляў, пасля дажджу тут утвараюцца вымытыны…

На жаль, вымушана прызнаць Галіна Унуковіч, цяперашняе лета выдалася рэкордна дажджлівым. Падобную сітуацыю можна назіраць на многіх дарогах раёна. Камунальная служба і дарожнікі прыкладаюць усе намаганні, каб выпраўляць наступствы ліўняў. Але ўвесь рэгіён адразу ахапіць немагчыма…

Да таго ж у гэты напружаны для аграрыяў час прадстаўнікі названых вышэй службаў дапамагаюць у уборцы ўраджаю. Задзейнічана не адна адзінка тэхнікі.

«Нам трэба прыбраць яшчэ больш за 3 тысячы гектараў хлеба, — падкрэсліла Галіна Унуковіч. — Дажджы стрымліваюць жніво, не даюць разгарнуцца на поўную моц… Ураджай вырас нядрэнны, пакінуць яго ў полі — злачынства».

Кіраўніца раёна паабяцала заяўніка, што асабіста пабывае на вуліцы Камсамольскай. Камунальнай жа службе дадзена даручэнне прапрацаваць пытанне падсыпкі дарогі. А ДАІ пракантралюе ў гэтым раёне гарпасёлка выкананне дарожных знакаў, якія абмяжоўваюць праезд велікагрузных аўтамабіляў.

"Зара"