Трэці этап абласнога форуму маладых спецыялістаў і маладых работнікаў аграпрамысловага комплексу Віцебшчыны сабраў больш за 130 чалавек з Бешанковіцкага, Віцебскага, Гарадоцкага, Лёзненскага, Полацкага, Расонскага, Шумілінскага раёнаў, Віцебскага мясакамбіната.

Яны наведалі шэраг сельскагаспадарчых аб'ектаў і абмеркавалі актуальныя пытанні на дыялогавай пляцоўцы «Аб арганізацыі работы з моладдзю і магчымасцях прафесійнага і кар'ернага росту маладога кіраўніка ў працоўным калектыве» з кіраўніцтвам вобласці.

– Цяпер праходзіць дастаткова няпросты перыяд, нам трэба здзейсніць прарыў у сельскай гаспадарцы. Гэта зрабіць павінны мы ўсе разам, – адзначыў старшыня аблвыканкама Аляксандр Субоцін. – Як бы гучна ні гучала, але вы корміце горад, выконваеце адну з самых важных работ. Просьба да вас, не апускайце рукі. Дзякуючы сумесным намаганням у нас ужо пачынае нешта атрымлівацца. Мы яшчэ ўсіх здзівім.

Акрамя Аляксандра Субоціна ў сустрэчы прынялі ўдзел памочнік Прэзідэнта – інспектар па Віцебскай вобласці Уладзімір Юргевіч, першы намеснік старшыні аблвыканкама Сяргей Ляўковіч.

vitebsk-region.gov.by