Дзяржаўная лесагаспадарчая ўстанова «Бешанковіцкі лясгас» мае магчымасць заключэння дагавораў аб мэтавай падрыхтоўцы на дзённую форму навучання ва ўстановы адукацыі ляснога профілю па спецыяльнасці «Лясная гаспадарка» ва УА «Беларускі дзяржаўны тэхналагічны ўніверсітэт», УА «Полацкі дзяржаўны лясны тэхнікум», УА «Віцебскі дзяржаўны тэхналагічны каледж».

Акрамя таго, Бешанковіцкі лясгас можа прадаставіць мэтавыя дагаворы ва Ульскі дзяржаўны прафесійны ліцэй сельскагаспадарчай вытворчасці імя Л. М. Даватара па рабочых прафесіях – трактарыст-машыніст сельскагаспадарчай вытворчасці катэгорый «С», «D», электразваршчык ручной зваркі 3 разраду, кіроўца аўтамабіля катэгорыі «С».

«Залічэнне абітурыентаў, якія маюць мэтавыя дагаворы, ажыццяўляецца па асобным конкурсе, і навучанне ажыццяўляецца на бюджэтнай аснове, – падкрэсліла намеснік кіраўніка арганізацыі па ідэалагічнай рабоце Алена Марозава. – Выпускнік, які атрымаў адукацыю на падставе мэтавай падрыхтоўкі, мае гарантаванае працаўладкаванне ў нашай установе. Дадатковую інфармацыю можна даведацца па тэлефоне 8 (033) 342-73-82. З нецярпеннем чакаем вас у нашым дружным калектыве!».

"Зара"