У Бешанковічах дадзены старт акцыі «Нашы дзеці»
Акцыя «Нашы дзеці» ў Бешанковіцкім раёне афіцыйна стартавала
Святы прайшлі ва ўсіх установах адукацыі.
Шчаслівыя твары дзяцей, шчодрыя падарункі ад дарослых — урачыстасці прайшлі ў цёплай, чароўнай атмасферы!
Далучайцеся да дабрачыннай акцыі і вы!
На свяце ў СШ №2 г.п. Бешанковічы імя М.Н. Ткачанкі. Удзел у мерапрыемстве прынялі старшыня райсавета дэпутатаў Генадзь Шведаў, намеснік старшыні райвыканкама Аляксандр Ерашоў і госці з Чувашскай Рэспублікі.
На сустрэчу да астравецкіх дзяцей прыйшлі начальнік аддзела па адукацыі райвыканкама Мікалай Шыпуля, старшыня Астравецкага сельвыканкама Андрэй Ганковіч, дырэктар Астравецкай школы мастацтваў, дэпутат сельскага Савета дэпутатаў Таццяна Уліціна і галоўны эканаміст СВК «Вядзярава» Вікторыя Сухвал.
Мікалай Віктаравіч перадаў дзецям навагодні віншаванне ад кіраўніка раёна Галіны Унуковіч і ўручыў дырэктару школы сертыфікат на 2000 рублёў для ўмацавання матэрыяльна-тэхнічнай базы ўстановы. Андрэй Мікалаевіч падарыў спартыўны інвентар. Салодкія падарункі дзецям прадаставіла СВК «Вядзярава».
Незабыўна прайшлі мерапрыемствы ў Бачэйкаўскай СШ імя М.А.Высогорца.
У госці да дзяцей прыехалі студэнты Віцебскай акадэміі ветэрынарнай медыцыны. Прывезлі казку «Чароўны лядок», падарункі.
З наступаючым Новым годам дзяцей павіншавала і старшыня Бачэйкаўскага сельвыканкама Галіна Шчука.
Усе школьнікі атрымалі салодкія падарункі ад мясцовага прадпрыемства меліярацыйных сістэм.
КФХ «Пшанічны Двор» падарыла школе міксер для сталоў.
Супрацоўнікі Бешанковіцкага лясгаса падарылі веру ў цуды выхаванцам ясляў-сада №6 райцэнтра
У рамках рэспубліканскай дабрачыннай акцыі «Нашы дзеці», якая сёння стартавала па ўсёй краіне, установе дашкольнай адукацыі быў уручаны сертыфікат на набыццё навагодняй штучнай елкі, якая не адзін год будзе радаваць хлопчыкаў і дзяўчынак падчас навагодніх святаў.
У сваю чаргу дзеці падрыхтавалі святочнае выступленне, якое стала яркім пачаткам навагодніх урачыстасцей.
«Мы ўжо не першы год удзельнічаем у акцыі «Нашы дзеці», – адзначыла намеснік кіраўніка арганізацыі па ідэалагічнай рабоце Бешанковіцкага лясгаса Алена Марозава. – Гэта мерапрыемства, да якога наш калектыў ставіцца з адкрытым сэрцам, з душой, таму што падарыць свята дзецям – вялікая радасць для нас, дарослых. Несумненна, падобныя сустрэчы дораць веру ў свята, чараўніцтва, дапамагаюць атачаць дзяцей клопатам і ўвагай».
Душэўнымі, незабыўнымі атрымаліся мерапрыемствы ў рамках акцыі «Нашы дзеці» ва ўстановах адукацыі рэгіёна.
На сустрэчу ва Ульскай школе прыйшоў намеснік старшыні райвыканкама Віктар Грышан. Вучняў СШ №1 райцэнтра з надыходзячымі святамі павіншаваў намеснік начальніка ўпраўлення па сельскай гаспадарцы і харчаванні райвыканкама Уладзімір Белязека. Ганаровымі гасцямі ў Ржаўскай базавай школе былі старшыня Верхнякрывінскага сельвыканкама Сяргей Акуневіч, начальнік упраўлення па працы, занятасці і сацыяльнай абароне райвыканкама Алена Аўчыннікава і дырэктар ЦБУ №203 ААТ «АСБ Беларусбанк» у г.п. Бешанковічы Вольга Невяльская.
Хлопцы былі рады гасцям, якія разам з найлепшымі пажаданнямі перадалі ім падарункі, якіх напярэдадні святаў чакаюць усе дзеці.