У Бешанковічах «афіцыйна» можна тварыць цуды
У раёне стартавала штогадовая рэспубліканская акцыя Беларускага рэспубліканскага саюза моладзі «Цуды на Каляды».
У межах акцыі ў краме «Галант» у райцэнтры (былая «Галантарэя») устаноўлена «Елачка жаданняў».
На зялёнай прыгажуні развешаны паштоўкі з запаветнымі марамі юных бяшанковічаў — выхаванцаў ЦКРАіР.
Выступіць у ролі Дзеда Мароза і Снягуркі можа любы ахвотны.
Пакінутыя пад ёлкай падарункі (іх, дарэчы, можна прыносіць і ў райкам ГА «БРСМ» па адрасе: г.п. Бешанковічы, вул. Савецкая, 24, каб. 21) будуць перададзены па прызначэнні.
Агулам дзякуючы акцыі валанцёры БРСМ дапамогуць выканаць навагоднія жаданні 9 дзяцей.