У Бешанковічах прайшлі тактыка-спецыяльныя заняткі па тушэнні загаранняў у шматкватэрных жылых дамах

Пажары ў шматкватэрных дамах – адна з найбольш небяспечных надзвычайных сітуацый ва ўмовах сучаснага грамадства, бо ў выпадку ўзгарання аднаго з памяшканняў, можа пацярпець усё будынак і вялікая колькасць людзей, якія нават не падазраваюць аб тым, што адбываецца за дзвярыма надзвычайнай сітуацыі.

Тактыка-спецыяльныя заняткі па тушэнні загаранняў у шматкватэрных жылых дамах – выдатная магчымасць адпрацаваць практычныя навыкі і ўменні ратавальнікаў па ліквідацыі такіх пажараў, мінімізацыі наступстваў, а таксама папярэджанні гібелі людзей на іх.

Сёння, па задуме вучэнняў, адбылося ўзгаранне ў адным з пад'ездаў шматкватэрнага жылога дома па вуліцы Урыцкага райцэнтра. Кіраваў і кантраляваў ход работ першы намеснік начальніка Бешанковіцкага раённага аддзела па надзвычайных сітуацыях Алег Канюхоў.

У ходзе заняткаў ацэньвалася зладжанасць работы падраздзяленняў, уменне кіраўніка тушэння пажару ацаніць абстаноўку і правільна вызначыць вырашальны напрамак вядзення баявых дзеянняў.

–Ад правільнасці вашых дзеянняў на занятках залежаць чалавечыя жыцці і права на памылку ў нас з вамі няма. І чым больш зладжана і прафесійна будуць нашы дзеянні падчас заняткаў, тым больш зладжана і прафесійна мы будзем дзейнічаць ва ўмовах рэальнай надзвычайнай сітуацыі – адзначыў Алег Уладзіміравіч.

Па выніках праведзеных заняткаў дадзена ацэнка кожнаму ўдзельніку, разабраны дапушчаныя памылкі, а таксама магчымасці прымянення абсталявання, якое маецца на ўзбраенні ў ратавальнікаў.