У Бешанковічах праходзіць рэспубліканская акцыя «Не прапальвай сваё жыццё!»

У рамках правядзення Рэспубліканскай акцыі «Не прапальвай сваё жыццё!» ратавальнікі Бешанковіцкага раённага аддзела па надзвычайных сітуацыях правялі займальныя мерапрыемствы на базе пунктаў прыёму другаснай сыравіны

У Бешанковіцкім раёне такіх пунктаў прыёму другаснай сыравіны – два: у самым раённым цэнтры і аграгарадку Бачэйкава. У ходзе правядзення мерапрыемстваў ратавальнікі не толькі расказалі аб асноўных прычынах гібелі людзей на пажарах, але і ў форме віктарыны нагадалі аб асноўных аспектах бяспекі, на што звярнуць увагу ў сваіх жыллі, а таксама як засцерагчы сябе ад бяды.

Пры правядзенні віктарын таксама звярталі ўвагу курцоў на тое, што такая згубная звычка можа дрэнна адбіцца не толькі на іх саміх, але і на іх блізкіх. Многія ўдзельнікі мерапрыемства выдатна ўсведамляюць усю небяспеку курэння, але пазбавіцца ад такой залежнасці вельмі няпроста. Ратавальнікі рэкамендуюць зрабіць так, каб выпадкова пакінутая цыгарэта не заставалася на гаручых паверхнях, у жылых памяшканнях меліся аўтаномныя пажарныя апавяшчальнікі, а само домаўладанне – стала зонай свабоднай ад курэння.

У канцы мерапрыемстваў усе ўдзельнікі акцыі атрымалі наглядна-выяўленчую

прадукцыю МНС, але самае галоўнае яшчэ раз пераканаліся, што маленькая цыгарэта можа стаць прычынай вельмі вялікіх бед!