У Бешанковічах праходзіць завяршальны этап акцыі «Вакацыі без дыму і агню!»

Супрацоўнікі раённага аддзела па надзвычайных сітуацыях наведалі «Яслі-сад №5 г.п.Бешанковічы», каб нагадаць малышам аб правілах бяспекі ў розных надзвычайных сітуацыях.

Пазнавальнае мерапрыемства па асновах бяспекі жыццядзейнасці правяла інспектар сектара прапаганды і ўзаемадзеяння з грамадскасцю Берастэнь Дар'я. Ратавальніца расказала дзецям, як папярэдзіць надзвычайную сітуацыю, па якім нумары тэлефанаваць, каб выклікаць ратавальнікаў і што трэба ім пры гэтым расказаць. Таксама Дар'я Сяргееўна правяла з малышамі «Бяспечныя гульні», падчас якіх яны даведаліся: чаму нельга гуляць з вострымі прадметамі, чым небяспечныя адкрытыя вокны і што рабіць, калі здарыўся пажар. А таксама шматлікае іншае. А за актыўны ўдзел дзеці атрымалі пазнавальныя прызы ад ратавальнікаў.