У Бешанковіцкім раённым гісторыка-краязнаўчым музеі прайшло мерапрыемства «Свечка памяці», прымеркаванае да Года гістарычнай памяці і абнаўлення музейнай экспазіцыі па генацыдзе беларускага народа ў гады Вялікай Айчыннай вайны

У Бешанковіцкім раённым гісторыка-краязнаўчым музеі прайшло мерапрыемства «Свечка памяці», прымеркаванае да Года гістарычнай памяці і абнаўлення музейнай экспазіцыі па генацыдзе беларускага народа ў гады Вялікай Айчыннай вайны.

Удзел у ім прынялі намеснік пракурора Віцебскай вобласці Уладзімір Гук, старшыня раённага Савета дэпутатаў Генадзь Шведаў, дэпутат Віцебскага абласнога Савета дэпутатаў, намеснік старшыні раённага выканаўчага камітэта Аляксандр Ерашоў, благачынны цэркваў Бешанковіцкай акругі протаіерэй Мікалай Кісель, прадстаўнікі пракуратуры раёна, працоўных калектываў, грамадскіх аб'яднанняў, навучэнцы школ раёна.

Прысутныя азнаёміліся з абноўленай экспазіцыяй музея, дзе дадаліся новыя экспанаты, знойдзеныя ў ходзе палявых пошукавых работ у месцы расстрэлу мірных жыхароў вёсак Слабада і Бортнікі, перададзеных у экспазіцыю музея пракуратурай раёна. Перададзеныя экспанаты ўяўляюць сабой фрагменты гумовых галёш, у тым ліку жаночых і дзіцячых, гузікі, грабянцы для валасоў, часткі ўпрыгожванняў – пацеркі, фрагменты дзіцячай цацкі, люстэркі і іншыя прадметы грамадзянскага ўжытку.

Акрамя таго, экспазіцыя была таксама дапоўнена выяўленымі ў месцы знішчэння і пахавання кулямі і гільзамі.

Удзельнікі мерапрыемства ўшанавалі памяць бязвінных ахвяр, якія загінулі ад рук карнікаў, хвілінай маўчання, запалілі лампадкі.

Памочнік пракурора

Бешанковіцкага раёна

юрыст 1 класа С.А.Кір'янаў