На нарадзе прысутнічалі старшыні сельвыканкамаў, кожны далажыў аб сітуацыі на падведамственай тэрыторыі.

Напрыклад, у Бачэйкаўскім сельсавеце ўсе 73 участкі ўбраны. Дапамогу насельніцтву аказвалі прыватнікі і ТАА «Сушэва-Агра». Аператыўна правялі «малую» жніво і ў Соржыцкім сельсавеце, дзе было заяўлена 16 участкаў, яны абмалочаны сіламі КФХ.

Гэтаму папярэднічала падрыхтоўчая работа. Пры садзейнічанні старэйшын вёсак была вывучана патрэбнасць грамадзян ва ўборцы ўчасткаў. Затым дамовіліся з выканаўцамі работ. Аб тым, у які час на прыватных падворках павінен быў быць камбайн, вяскоўцаў апавяшчалі загадзя.

Усе 107 заяўленых участкаў абмалочаны і ў Бешанковіцкім сельсавеце. Тут мясцовая гаспадарка ДП «ПалітаддзелецАгра», нягледзячы на гарачую пару жніва, выдзеліла асобны камбайн, які выязджаў на сялянскія агароды. Дапамогу ва ўборцы аказвалі і прыватнікі.

З заўтрашняга дня прыступяць да «малой» жніва ва Ульскім сельсавеце. Традыцыйна гэтая сацыяльная функцыя ўскладзена на Ульскі каледж. Па словах старшыні сельвыканкама Юліі Акулёнак, сёлета неабходна ўбраць 29 прыватных участкаў, на гэта спатрэбіцца максімум два-тры дні.

Дапамогу астраўцам акажа СУП «Вядрова», ад насельніцтва паступілі заяўкі на абмалот 55 участкаў. 53 з 94 участкаў убраны ў Верхнякрывінскім сельсавеце. Тут сваё плячо людзям падстаўляюць ДП «ПалітаддзелецАгра» і ЗАТ «АСБ-Агра Наватар».

Разам з тым, старшыням сельвыканкамаў неабходна яшчэ раз прааналізаваць сітуацыю па прыватных участках: ці ўсе, каму патрэбна дапамога ва ўборцы збожжавых, падалі заяўкі. Такіча задачу паставіла кіраўніца раёна Галіна Унуковіч. А яшчэ нагадала пра тое, што трэба размаўляць з людзьмі, тлумачыць, што вырошчваць збожжавыя значна лепш у агульным севазвароце сельгаспрадпрыемстваў.

Па-першае, буйнагабарытнай тэхніцы нялёгка манеўраваць на невялікіх участках, да таго ж яны ў асноўным раскіданы па ўсёй вёсцы. А вось прыбраць іх у агульным масіве для аграрыяў прасцей і менш затратна. Ды і для ўладальнікаў участкаў ёсць выгада – без намаганняў можна атрымаць той жа ўраджай па прымальнай цане. Сейба, доглядныя работы, убор