Гэтая вайна стала адной з самых трагічных, разбуральных падзей у сусветнай гісторыі. Няма ніводнай сям'і, якую б не закранула Вялікая Айчынная вайна.

З мэтай патрыятычнага выхавання насельніцтва з 10 па 16 снежня 2025 года на тэрыторыі Бешанковіцкага раёна праходзіла грамадзянска-патрыятычная акцыя «Вечная памяць Героям», падчас якой сіламі працоўных калектываў і неабыякавых грамадзян на воінскіх пахаваннях і помніках воінскай славы быў наведзены парадак. Таксама ўдзельнікі акцыі правялі хвіліну маўчання і ўсклалі кветкі.

Падобныя акцыі важныя сёння для цяперашняга пакалення, таму што заўсёды неабходна памятаць подзвіг салдат і афіцэраў, простых людзей, якія прайшлі праз смяротныя выпрабаванні вайны, важна памятаць мінулае сваёй краіны, не губляць сувязь са сваімі продкамі і гісторыяй. Бо ў нас ёсць сапраўднае дзякуючы іх вялікаму і бессмяротнаму подзвігу.