У Бешанковіцкім раёне прайшло выязное пасяджэнне прэзідыума Віцебскага абласнога Савета дэпутатаў
У аграгарадку Улла Бешанкові«Пытанні папярэджання пажараў у экасістэмах актуальныя для нашага рэгіёну, мы канстатуем павелічэнне загаранняў у адносінах да аналагічнага перыяду мінулага года»,
— падкрэсліў Дзмітрый Дзямідаў, адкрываючы нараду.
Кіраўнік дэпутацкага корпуса вобласці звярнуў увагу ўсіх зацікаўленых на неабходнасць своечасовага навядзення парадку на зямлі, скошвання сухой расліннасці, а таксама зносу старых і пустуючых домаўладанняў — у цэлым на тыя моманты, якія ўплываюць на адбытыя загаранні і прыводзяць да каласальнай шкоды, а часам і да трагічных выпадкаў.
Прааналізаваць стан спраў, зрабіць высновы і намеціць план работы на перспектыву — галоўная мэта нарады.
Тэма нарады стаяла на асаблівым кантролі Бешанковіцкага райвыканкама, усіх суб'ектаў прафілактыкі, паколькі пажары могуць нанесці значную шкоду эканоміцы, навакольнаму асяроддзю і здароўю чалавека.
На гэтым акцэнтавала ўвагу ўдзельнікаў пасяджэння кіраўнік раёна Галіна Унуковіч.
«На жаль, у 2024 годзе, у першым квартале 2025-га і ў нашым раёне назіраецца рост загаранняў у прыроднай экасістэме, у большай ступені яны звязаны з чалавечым фактарам. Таму менавіта прафілактычная работа выходзіць на першы план. Даволі шырокі і комплекс мер па навядзенні парадку на зямлі. Ён накіраваны на стварэнне і падтрыманне зручнага, бяспечнага, сучаснага асяроддзя жыццядзейнасці людзей».
Вялікі штуршок развіццю рэгіёна і руху ў дадзеным напрамку далі «Дажынкі — 2024». Галіна Унуковіч выказала словы падзякі абласному Савету дэпутатаў, абласному выканаўчаму камітэту за каласальную падтрымку па развіцці нашага рэгіёна.
«Вельмі шмат зроблена, але наперадзе яшчэ шмат працы», — падкрэсліла кіраўніца раёна і падзякавала кіраўніцтва абласнога ўпраўлення МНС за праяўлены да раёна інтарэс у частцы зносу доўгі час невыкарыстоўванага аб'екта былога сельгаспрадпрыемства».
Удзельнікі пасяджэння прэзідыума аблсавета дэпутатаў ушанавалі памяць загінуўшых абаронцаў Айчыны.
Мітынг адбыўся ля помніка Герою Савецкага Саюза Льву Міхайлавічу Даватару.