Тыя, каму не па чутках знаёмыя цяжкасці ваеннага ліхалецця, прымалі словы падзякі ад кіраўніцтва раёна, грамадскасці і, вядома, ад школьнікаў, для якіх подзвіг старэйшых – гэта маральны арыенцір на ўсё жыццё.

Былую вязніцу канцлагера Зою Сяргееўну Грыгор'еву, якая цяпер знаходзіцца ў Бачэйкаўскай бальніцы сястрынскага догляду, наведала кіраўніца раёна Галіна Унуковіч.

Ветэрану ўручылі кветкі, падарункі і Падзячны ліст. Цёплыя словы падтрымкі прагучалі і ад школьнікаў Бачэйкаўскай СШ, іх дырэктара і старшыні раённай арганізацыі ГА «Беларускі саюз жанчын» Наталлі Апанасёнак, а таксама ад старшыні сельвыканкама Галіны Шчуко.

Намеснік старшыні райвыканкама Алена Баранава з калегамі наведала жыхарку блакаднага Ленінграда Ефрасінню Спірыдонаўну Станіслаўчык і былых вязніц Валянціну Пракопаўну Лабкову, Ганну Мартынаўну Пінчук і Аляксандрыну Іванаўну Полацкую.

Такія сустрэчы – больш, чым проста візіты. Гэта жывая сувязь пакаленняў. Пакуль мы памятаем – мы непераможныя!

"Зара"