У простай і даступнай форме ратавальнікі нагадваюць землякам аб правілах эксплуатацыі печаў і электрапрыбораў, расказваюць, да чаго можа прывесці неасцярожнасць з курэннем або пакінутая без нагляду ежа на пліце.

Нагадваюць і пра пажарны апавяшчальнік — сапраўдны вартавы спакою ў вашым доме, асабліва ўночы. Праверце, ці ёсць ён у вас і ці не села ў ім батарэйка.

А рыбакам — асаблівая ўвага!

Восенню вада становіцца халоднай і небяспечнай. Таму ратавальнікі асобна звяртаюцца да аматараў рыбалкі з лодкі. Іх галоўнае правіла гучыць катэгарычна: «Без выратавальнай камізэлькі — ні кроку на ваду!»

Упаўшы ў восеньскую ваду, чалавек з-за цяжкага адзення і холаду можа сысці пад ваду за лічаныя секунды. Выратавальная камізэлька ў гэтай сітуацыі — ваш галоўны і адзіны шанец. Не рызыкуйце сваім жыццём дзеля ўлову.

Кожная такая сустрэча — гэта адкрытая размова, дзе можна задаць любое пытанне і атрымаць параду па бяспецы.

"Зара"