У Вярхоўскім сельсавеце прайшоў Дзень Савета
Дайсці да кожнага чалавека, пачуць яго праблемы і дапамагчы ў іх вырашэнні – вось мэта Дзён Савета.
18 верасня жыхароў населеных пунктаў Вярхоўскага сельсавета сустракалі госці з Бешанковіч – прадстаўнікі ўлады і актыву раёна.
Пытанні, якія ўзнімалі сельчане, датычыліся гандлёвага, транспартнага, медыцынскага абслугоўвання, стану дарог, асвятлення, выдалення аварыйных дрэў і іншыя.
Многія з іх растлумачаны на месцы, тыя, што патрабуюць дадатковага разгляду, занесены ў пратакол даручэнняў. Прызначаны адказныя за іх вырашэнне выканаўцы.
Акрамя гэтага, з удзелам зацікаўленых прааналізавана работа па прыцягненні ў гаспадарчы абарот невыкарыстоўваемай маёмасці, размешчанай на тэрыторыі сельсавета.