Прэзідэнт Беларусі Аляксандр Лукашэнка ўручыў дзяржаўныя ўзнагароды перадавікам аграпрамысловага комплексу. Урачыстая цырымонія адбылася ў Палацы Незалежнасці 11 лістапада, напярэдадні Дня работнікаў сельскай гаспадаркі і перапрацоўчай прамысловасці АПК, перадае карэспандэнт БЕЛТА.

Прэзідэнт павіншаваў усіх з надыходзячым прафесійным святам, пажадаўшы новых працоўных поспехаў - высокіх надояў і прываг, шчодрых ураджаяў. Але самае галоўнае - моцнага здароўя і добрага настрою ў сем'ях, каб было куды з задавальненнем вяртацца пасля цяжкага працоўнага дня. "Працаваць мы ўмеем. Усё астатняе - у нашых руках. Будзем здаровыя - мы зробім усё. І няхай заўсёды ў вашым доме і не толькі будзе добрае надвор'е. Цярпення вам, і няхай нараджаюцца дзеці - новае пакаленне беларускіх сейбітаў, беларускіх аграрыяў", - сказаў Аляксандр Лукашэнка.

На яго думку, праца ў сельскай гаспадарцы, на роднай зямлі - найбольш каштоўная і цікавая, і сам кіраўнік дзяржавы з цеплынёй успамінае той час, калі жыў і працаваў на вёсцы. "Не рвіцеся ў гарады, - параіў Прэзідэнт. - Шануйце гэты час і памятайце так, па-сялянску: мы нідзе нікому не патрэбныя".

"Сёння час такі: калі ты сам прабіўся, калі ты будзеш напружвацца, Гасподзь табе дапаможа. І ты абавязкова даб'ешся таго, чаго хочаш, - працягнуў Аляксандр Лукашэнка. - Калі будзеш хадзіць, апусціўшы рукі, ты ў гэтым жыцці нічога не даб'ешся, будзеш хадзіць і плакацца: гэта ўлада не дала, агарод не пасеяў, не скасіў прысядзібны ўчастак, хмызнякі не прыбраў, дроў не насякаў... Будзеш хадзіць і плакацца".
Прэзідэнт падкрэсліў, што Беларусь, вядома, сацыяльная дзяржава, але гэта не азначае аказанне падтрымкі ўсім запаОрдэнам Пашаны адзначаны заслугі аператара жывёлагадоўчых комплексаў і механізаваных ферм МТК "Германішкі" КСУП "Гудогай" Астравецкага раёна Гелены Дрэма, дырэктара ААТ "Хоцімскі ільнозавод" Мікалая Курзенькава, аператара машыннага даення ААТ "Рассвет імя К.П. Арлоўскага" Кіраўскага раёна Галіны Лёгкай, трактарыста-машыніста КУПСХП Верхнядзвінскага раёна "Коханавічы" Васіля Мароза і кіроўцы аўтамабіля ААТ "Шлях новы" Ляхавіцкага раёна Уладзіміра Пераможца.

Прысвоены ганаровыя званні заслужанага работніка сельскай гаспадаркі Рэспублікі Беларусь. Іх удастоены галоўны аграном СПК "Прагрэс-Верцялішкі" Гродзенскага раёна Іван Галавенка, аператар птушкафабрык і механізаваных ферм бройлернага цэха №1 ЗАТ "Серволюкс Агра" Магілёўскага раёна Таццяна Даўганосава, дырэктар ААТ "Святая Воля" Івацэвіцкага раёна Уладзімір Любушак, трактарыст-машыніст ААТ "Ціхінічы" Рагачоўскага раёна Андрэй Новікаў і начальнік цэха жывёлагадоўлі КСУП "Брылёва" Гомельскага раёна Вячаслаў Струк.

Работнікі АПК таксама ўдастоены медаля "За працоўныя заслугі" і Падзякі Прэзідэнта.

Акрамя ўзнагарод, у гэты ўрачысты дзень яшчэ адным падарункам для перадавікоў сельскай гаспадаркі стала экскурсія па Палацу Незалежнасці. Прасторныя і маштабныя залы не пакінулі гасцей абыякавымі. Тым больш многія з іх тут апынуліся ўпершыню. Магчымасць убачыць на свае вочы залы і кабінеты, дзе прымаюцца найважнейшыя і вызначальныя рашэнні для краіны, выпадае далёка не кожны дзень.

Пад уражаннем ад экскурсіі засталася Галіна Лёгкая - аператар машыннага даення ААТ "Рассвет ім. К.П. Арлоўскага" у Кіраўскім раёне. Жанчына працуе на гэтым прадпрыемстве больш за 20 гадоў. За шматгадовую працу і дасягненне высокіх вынікаў кіраўнік дзяржавы ўручыў Галіне Лёгкай ордэн Пашаны.

"Заслуга ў высокіх паказчыках гаспадаркі, вядома ж, не толькі мая. Гэта ж праца ўсяго калектыву. Мы заўсёды адзін аднаго падтрымліваем, падмяняем, калі трэба. Калегі і родныя, калі даведаліся, што мне ўручаць такую ўзнагароду, парадаваліся за мяне. І я ім удзячна за падтрымку", - прызналася Галіна Лёгкая.

Дарэчы, у жніўні "Рассвет ім. К.П. Арлоўскага" наведваў Прэзідэнт. Аляксандр Лукашэнка цікавіўся, як ідуць справы ў гаспадарцы, падрабязна распытаў старшыню аб паказчыках работы аграрыяў і адзначыў, што справы ў "Рассвеце" ідуць нядрэнна.

"Прыемна, што Прэзідэнт надаў увагу нашай гаспадарцы. Думаю, далей мы будзем толькі прыбаўляць. Ведаю, што ў нас збіраюцца будаваць новы комплекс, цяпліцу. Таму ўсё будзе ў парадку", - упэўнена Галіна Лёгкая.

Яе калега Наталля Раманчук атрымала Падзяку Прэзідэнта. Жанчына працуе аператарам машыннага даення на малочна-таварнай ферме "Дубаўцы" сельгаспрадпрыемства "Племзавод Россь" з 2018 года. Хоць стаж работы на ніве сельскай гаспадаркі ў цэлым у жанчыны ўнушальны - больш за 30 гадоў.

"Сама я нарадзілася ў Літве, але ў 1992 годзе пераехала з бацькамі ў Беларусь. Вучылася ў сельскагаспадарчым тэхнікуме ў Пінску, пасля чаго доўгі час працавала ў мясным цэху. А сем гадоў таму перайшла на ферму, аб чым не шкадую", - сказала Наталля Раманчук.

Па словах жанчыны, сваёй працы яна зусім не саромеецца. "Калі пытаюцца, кім я працую, я адказваю: "Вам па-простаму ці прыгажэй? Калі па-простаму, то даярка. Калі прыгажэй, то аператар машыннага даення", - з усмешкай дадала яна.

Экскурсія не пакінула яе абыякавай: "Раней бачыла гэтыя залы толькі па тэлевізары. А калі бачыш іх наяве, то ўражанні, вядома, зусім іншыя. Шкада, не атрымалася ўзяць з сабой сына, хоць ён вельмі прасіў", - сказала Наталля Раманчук.

Яшчэ адзін ветэран сельскай гаспадаркі - Васіль Мароз - атрымаў ад Прэзідэнта ордэн Пашаны. Мужчына працуе механізатарам сельскагаспадарчага прадпрыемства Верхнядзвінскага раёна "Коханавічы". За амаль 40 гадоў працы Ва