«Дзень Чарнобыльскай катастрофы, які стаў днём найбуйнейшай па маштабах і наступствах тэхнагеннай катастрофы дваццатага стагоддзя, сыходзіць усё далей у гісторыю, аднак штогод 26 красавіка мы ўспамінаем тых, хто загінуў у гэтай катастрофе, і з удзячнасцю звяртаемся да тых, хто змагаўся з наступствамі аварыі на Чарнобыльскай АЭС. Для нас гэта не проста старонка гісторыі, а жывое напамін пра цану памылкі: «мірны атам» практычна знішчыў велізарныя тэрыторыі, ператварыў у зону запусцення пладародныя землі, прынёс боль і пакуты людзям. Сёння наш абавязак – не проста памятаць пра трагедыю Чарнобыля, але і рабіць усё неабходнае, каб падобнае не паўтарылася.

Рэспубліка Беларусь больш за іншых пацярпела ад наступстваў аварыі, аднак мы не пакінулі свае землі – на пацярпелых ад аварыі на Чарнобыльскай атамнай электрастанцыі землях не спыняецца праца па ліквідацыі наступстваў і аднаўленні забруджаных тэрыторый.

У той час, як у свеце ішлі дыскусіі аб прычынах і вінаватых чарнобыльскай катастрофы, Беларусь практычна ў адзіночку змагалася з яе наступствамі. І выстаяла!

У мерапрыемствы па пераадоленні наступстваў чарнобыльскай катастрофы былі ўкладзены каласальныя сілы і сродкі!

Наш Прэзідэнт Аляксандр Рыгоравіч Лукашэнка штогод наведвае рэгіёны краіны, пацярпелыя ад аварыі на Чарнобыльскай АЭС, і асабіста трымае на кантролі рэалізацыю дзяржаўных праграм па пераадоленні наступстваў аварыі на Чарнобыльскай АЭС.

З 1990 года ў нашай краіне іх рэалізавана ўжо пяць, рэалізацыя шостай завершыцца сёлета. Праграмай прадугледжана выкананне адразу некалькіх задач: забеспячэнне сацыяльнай абароны, аказанне медыцынскай дапамогі, санаторна-курортнае лячэнне і аздараўленне пацярпелага насельніцтва, забеспячэнне радыяцыйнай абароны, садзейнічанне сацыяльна-эканамічнаму развіццю пацярпелых рэгіёнаў і іншае.

Мы, беларусы, не забыліся і пра тых, хто цаной свайго жыцця выратаваў мільёны людзей!

Мы шануем светлую памяць аб мужнасці ўсіх удзельнікаў ліквідацыі аварыі: пажарныя, вайскоўцы, медыкі, а таксама прадстаўнікі іншых прафесій – усе яны, рызыкуючы сваім жыццём і здароўем, зрабілі ўсё магчымае для таго, каб мінімізаваць наступствы катастрофы і выратаваць чалавецтва».

"Зара"