У Віцебску намеснік старшыні аблвыканкама Анжаліка Нікіціна правяла сустрэчу з дэлегацыяй правінцыі Шаньдун Кітайскай Народнай Рэспублікі. У маі гэтага года ў Шаньдун адбудзецца Форум рэгіёнаў-пабрацімаў, на які запрошана дэлегацыя паўночнага рэгіёну.

- Мы зацікаўлены пазнаёміць удзельнікаў форуму з прыярытэтнымі напрамкамі супрацоўніцтва з Віцебскай вобласцю, прадставіць свой патэнцыял у сумесным развіцці прамысловай і сельскагаспадарчай галін. Удзел у форуме прымуць кіраўнікі нашых трох універсітэтаў, а дадзеная сфера ўзаемадзеяння мае велізарныя перспектывы супрацоўніцтва ў сферы навукі і адукацыі. Таксама хочам пазнаёміць удзельнікаў форуму з нашым турыстычным і культурным патэнцыялам, магчымасцямі аздараўлення ў самых маляўнічых кутках Рэспублікі Беларусь, наведванне якіх дазволіць сумяшчаць адпачынак і бізнес, па якіх Кітай сёння з'яўляецца сусветным лідарам, - адзначыла Анжаліка Нікіціна.

У складзе дэлегацыі Віцебскай вобласці на форуме будуць прадстаўнікі прадпрыемстваў нафтавай і хімічнай галін, дрэваапрацоўкі, мяса- і малочнай прамысловасці, вытворцы шырокай лінейкі ветэрынарных прэпаратаў, кандытарскіх вырабаў.

vitebsk-region.gov.by