У рамках акцыі «Наведай родную школу» супрацоўнікі Віцебскай мытні — выпускнікі навучальных устаноў — наведалі свае родныя школы горада Віцебска і Віцебскай вобласці. Мерапрыемствы былі нацэлены на прафарыентацыю і знаёмства навучэнцаў з магчымасцямі праходжання службы ў мытных органах.

Мерапрыемствы ўключалі прагляд фільма аб рабоце мытных органаў і дыялогавая пляцоўка з навучэнцамі. Работнікі мытні дзяліліся асабістым досведам, распавядаючы аб сваёй кар'еры ў Віцебскай мытні.

На працягу 3-х месяцаў мытнікамі былі наведаны наступныя ўстановы адукацыі: ДУА Гімназія №2 г. Віцебска, ДУА Сярэдняя школа №4 г. Віцебска, ДУА Сярэдняя школа №12 г. Віцебска ім. Л.Н. Філіпенкі, ДУА Гімназія №1 г. Орша ім. Г.В. Сямёнава, ДУА Верхнядзвінская гімназія ім. І.А. Макеенка, ДУА «Сярэдняя школа №1 г.п. Шаркаўшчына» і іншыя дзяржаўныя навучальныя ўстановы Віцебскай вобласці.

Падобныя сустрэчы закліканы паслужыць магутным стымулам для навучэнцаў, натхняючы іх стаць будучымі супрацоўнікамі мытных органаў Рэспублікі Беларусь і ўнесці свой уклад у забеспячэнне эканамічнай бяспекі краіны.

vitebsk-region.gov.by