Віцебскае абласное ўпраўленне дэпартамента па наглядзе за бяспечным вядзеннем работ у прамысловасці Міністэрства па надзвычайных сітуацыях Рэспублікі Беларусь (Дзяржпрамнагляд) напамінае!

   З 01 чэрвеня 2023 г. уступілі ў сілу новыя «Правілы па забеспячэнні прамысловай бяспекі ў галіне газазабеспячэння» і «Правілы па забеспячэнні прамысловай бяспекі абсталявання, якое працуе пад залішнім ціскам».

   Згодна з патрабаваннямі інструкцыі «Аб падрыхтоўцы і праверцы ведаў па пытаннях прамысловай бяспекі» (зацверджана пастановай МНС № 31 ад 06.07.2016 г.) не пазней за месяц з даты ўступлення ў сілу актаў заканадаўства ў галіне прамысловай бяспекі пазачарговую праверку ведаў у камісіі Дзяржпрамнагляду павінны прайсці:

- кіраўнікі і спецыялісты:

якія ажыццяўляюць кіраўніцтва і прызначаныя ва ўстаноўленым парадку адказнымі за вядзенне работ пры выкананні работ і (або) аказанні паслуг, якія складаюць дзейнасць у галіне прамысловай бяспекі;

якія выконваюць работы, што складаюць дзейнасць у галіне прамысловай бяспекі;

- работнікі службы прамысловай бяспекі (інжынер па прамысловай бяспецы, адказная асоба, на якую ўскладзены адпаведныя абавязкі па забеспячэнні прамысловай бяспекі);

- асобы, адказныя за бяспечную эксплуатацыю;

- выкладчыкі (у аб'ёме патрабаванняў актаў заканадаўства ў галіне прамысловай бяспекі, якія яны выкладаюць).

   Для эксплуатуючых арганізацый да ўключэння ў працу газавыкарыстоўваючага абсталявання сезоннага дзеяння (сельскагаспадарчыя газавыкарыстоўваючыя ўстаноўкі, ацяпляльныя кацельныя і інш.) згодна з п.344 «Правілаў па забеспячэнні прамысловай бяспекі ў галіне газазабеспячэння» праверка ведаў работнікаў па пытаннях прамысловай бяспекі з'яўляецца адным з абавязковых патрабаванняў, без выканання якога зняцце заглушак і пуск газу не дазваляецца.

   Таксама звяртаем увагу, што пазачарговая праверка ведаў не адмяняе праходжанне перыядычнай праверкі ведаў.