🏛️ Задачы і функцыі Бешанковіцкага раённага выканаўчага камітэта

Выканкам у межах сваёй кампетэнцыі ў парадку, устаноўленым заканадаўствам:

• прадстаўляе інтарэсы адпаведнай адміністрацыйна-тэрытарыяльнай адзінкі ва ўзаемаадносінах з іншымі дзяржаўнымі органамі, іншымі арганізацыямі і грамадзянамі;
• распрацоўвае і ўносіць для зацвярджэння ў адпаведныя органы і забяспечвае выкананне праектаў праграм сацыяльна-эканамічнага развіцця, канцэпцый (выканкамы першаснага ўзроўню – праекты планаў мерапрыемстваў) па пытаннях жыллёвага будаўніцтва, добраўпарадкавання тэрыторый, дарожнага будаўніцтва, камунальна-бытавога і сацыяльнага абслугоўвання грамадзян, сацыяльнай падтрымкі дзяцей, моладзі, ветэранаў, інвалідаў і пажылых людзей, падтрымкі малога прадпрымальніцтва, аховы здароўя, адукацыі, фізічнай культуры і спорту, аховы навакольнага асяроддзя і рацыянальнага выкарыстання прыродных рэсурсаў, паляпшэння ўмоў і аховы працы, забеспячэння радыяцыйнай бяспекі, аховы гісторыка-культурнай спадчыны і па іншых пытаннях мясцовага значэння;
• распрацоўвае і ўносіць для зацвярджэння ў раённы Савет дэпутатаў праекты мясцовага бюджэту і рыхтуе справаздачу аб яго выкананні;
• забяспечвае выкананне мясцовага бюджэту, паступленне прадугледжаных даходаў і расходаванне бюджэтных сродкаў у адпаведнасці з іх мэтавым прызначэннем;
• прадастаўляе па даручэнні раённага Савета дэпутатаў у адпаведнасці з Падатковым кодэксам Рэспублікі Беларусь і (або) актамі Прэзідэнта Рэспублікі Беларусь льготы па рэспубліканскіх падатках, зборах (пошлінах), якія поўнасцю выплачваюцца ў мясцовыя бюджэты;
• распараджаецца камунальнай уласнасцю ў парадку, устаноўленым раённым Саветам дэпутатаў, а таксама ажыццяўляе кантроль за яе выкарыстаннем на адпаведнай тэрыторыі;
• распараджаецца прыроднымі рэсурсамі ў выпадках і парадку, прадугледжаных заканадаўствам аб ахове навакольнага асяроддзя і рацыянальным выкарыстанні прыродных рэсурсаў;
• прымае рашэнні аб стварэнні, рэарганізацыі і ліквідацыі арганізацый, маёмасць якіх знаходзіцца ў камунальнай уласнасці;
• зацвярджае рэжым работы арганізацый, маёмасць якіх знаходзіцца ў камунальнай уласнасці, узгадняе рэжым работы іншых арганізацый і індывідуальных прадпрымальнікаў, якія ажыццяўляюць дзейнасць на адпаведнай тэрыторыі, калі іншае не прадугледжана заканадаўчымі актамі;
• уносіць на разгляд адпаведных Саветаў дэпутатаў прапановы па ўсіх пытаннях мясцовага значэння і ўдзельнічае ў разглядзе гэтых прапаноў;
• арганізуе абмеркаванне на адпаведнай тэрыторыі важных пытанняў мясцовага і рэспубліканскага значэння;
• інфармуе грамадзян і арганізацыі аб стане спраў на адпаведнай тэрыторыі па пытаннях мясцовага значэння;
• забяспечвае дзяржаўныя мінімальныя сацыяльныя стандарты ў галіне сацыяльнай падтрымкі і сацыяльнага абслугоўвання, аплаты працы, пенсіённага забеспячэння і ў іншых галінах;
• арганізуе на адпаведнай тэрыторыі газазабеспячэнне, электразабеспячэнне, цеплазабеспячэнне, водазабеспячэнне грамадзян, водаадвядзенне і забяспечвае патрэбнасць насельніцтва ў пітной вадзе, забеспячэнне грамадзян палівам;
• фарміруе таварныя рэсурсы для адміністрацыйна-тэрытарыяльных адзінак у мэтах забеспячэння бесперабойнага гандлю;
• прымае меры, накіраваныя на развіццё прамысловай і сельскагаспадарчай вытворчасці, сферы паслуг, малога і сярэдняга прадпрымальніцтва, асабістых падсобных гаспадарак;
• прымае рашэнні аб прадастаўленні зямельных участкаў у карыстанне, арэнду, пажыццёвае спадчыннае валоданне, перадачы іх ва ўласнасць, а таксама аб адабранні зямельных участкаў;
• арганізуе работу па добраўпарадкаванні, забеспячэнні належнага санітарнага стану, азеляненні тэрыторый населеных пунктаў;
• прымае меры па забеспячэнні аховы навакольнага асяроддзя і рацыянальнаму выкарыстанню прыродных рэсурсаў;
• забяспечвае распрацоўку горадабудаўнічых праектаў;
• садзейнічае свабоднаму развіццю культур нацыянальных супольнасцей, якія пражываюць на адпаведнай тэрыторыі, ажыццяўляе ахову і садзейнічанне ў рэалізацыі правоў грамадзян розных нацыянальнасцей у сферах адукацыі, інфармацыйнага забеспячэння і іншых сферах;
• вырашае пытанні дэмаграфічнай бяспекі, паляпшэння сацыяльна-эканамічных умоў жыццядзейнасці сям'і;
• вырашае пытанні размяшчэння аб'ектаў будаўніцтва на адпаведнай тэрыторыі;
• забяспечвае развіццё жыллёвага фонду і жыллёвай гаспадаркі, стварае ўмовы для забеспячэння грамадзян жылымі памяшканнямі, у тым ліку арганізуе будаўніцтва жылых памяшканняў сацыяльнага карыстання, прадастаўляе такія памяшканні;
• стварае ўмовы для забеспячэння грамадзян паслугамі сувязі, грамадскага харчавання, гандлю і бытавога абслугоўвання;
• стварае ўмовы для прадастаўлення транспартных паслуг насельніцтву і арганізуе транспартнае абслугоўванне грамадзян на адпаведнай тэрыторыі;
• стварае ўмовы для рэалізацыі грамадзянамі права на адукацыю;
• забяспечвае распаўсюджванне культурных каштоўнасцей, праводзіць культурныя мерапрыемствы і ажыццяўляе стымуляванне культурнай дзейнасці грамадзян, праводзіць мерапрыемствы па ахове гісторыка-культурнай спадчыны;
• праводзіць фізкультурна-аздараўленчую і спартыўна-масавую работу з грамадзянамі, утрымлівае фізкультурна-спартыўныя збудаванні, якія знаходзяцца ў камунальнай уласнасці, і ажыццяўляе іх рамонт, падтрымлівае дастатковы ўзровень забяспечанасці населеных пунктаў фізкультурна-спартыўнымі збудаваннямі;
• забяспечвае санаторна-курортнае лячэнне і аздараўленне грамадзян;
• садзейнічае развіццю прафсаюзных, маладзёжных, дзіцячых, жаночых, ветэранскіх і іншых грамадскіх аб'яднанняў;
• праводзіць мерапрыемствы ў галіне дзяржаўнай маладзёжнай палітыкі;
• арганізуе будаўніцтва, рэканструкцыю, рамонт і ўтрыманне мясцовых аўтамабільных дарог, кіруе дарожнай дзейнасцю, звязанай з аўтамабільнымі дарогамі неагульнага карыстання;
• ажыццяўляе кантроль у галінах жыллёвага будаўніцтва, добраўпарадкавання адпаведнай тэрыторыі, дарожнага будаўніцтва, камунальна-бытавога і сацыяльнага абслугоўвання грамадзян, сацыяльнай падтрымкі дзяцей, моладзі, ветэранаў, інвалідаў і пажылых людзей, падтрымкі малога прадпрымальніцтва, аховы здароўя, адукацыі, фізічнай культуры і спорту, аховы навакольнага асяроддзя і рацыянальнага выкарыстання прыродных рэсурсаў, аховы працы, забеспячэння радыяцыйнай бяспекі, аховы гісторыка-культурнай спадчыны і ў іншых галінах, якія закранаюць пытанні мясцовага значэння;
• прымае меры па абароне правоў спажыўцоў, у тым ліку жыллёва-камунальных паслуг;
• сумесна з праваахоўнымі органамі ажыццяўляе дзейнасць па ахове грамадскага парадку;
• ажыццяўляе дзейнасць па прафілактыцы правапарушэнняў;
• удзельнічае ў барацьбе з карупцыяй, процідзеянні экстрэмізму, у тым ліку тэрарызму;
• удзельнічае ў папярэджанні і ліквідацыі надзвычайных сітуацый, выкананні мерапрыемстваў па грамадзянскай абароне, забеспячэнні пажарнай, прамысловай, ядзернай і радыяцыйнай бяспекі, ліквідацыі наступстваў катастрофы на Чарнобыльскай АЭС;
• забяспечвае ажыццяўленне на адпаведнай тэрыторыі кантролю за выкананнем заканадаўства, ажыццяўляе растлумачэнне пытанняў прымянення заканадаўства, якія адносяцца да кампетэнцыі органаў мясцовага кіравання і самакіравання;
• праводзіць мерапрыемствы, звязаныя з дзяржаўнымі святамі, святочнымі днямі і памятнымі датамі;
• выступае заснавальнікамі (удзельнікамі) арганізацый, маёмасць якіх знаходзіцца ў прыватнай уласнасці;
• выступае заснавальнікамі мясцовых сродкаў масавай інфармацыі;
• вырашае пытанні, звязаныя з аховай працы;
• удзельнічае ў міжнародным супрацоўніцтве;
• садзейнічае занятасці грамадзян, арганізуе аплачваемыя грамадскія работы, прызначае і выплачвае дапамогі па беспрацоўі, вырашае іншыя пытанні ў сферы занятасці;
• забяспечвае прадастаўленне льготных крэдытаў, субсідый грамадзянам, якія стаяць на ўліку маючых патрэбу ў паляпшэнні жыллёвых умоў;
• арганізуе бібліятэчнае абслугоўванне грамадзян, камплектаванне і забеспячэнне захаванасці бібліятэчных фондаў;
• забяспечвае добраўпарадкаванне і падтрыманне належнага санітарнага стану на адпаведнай тэрыторыі, у тым ліку ў аграгарадках, прыцягвае грамадзян і арганізацыі да ажыццяўлення такіх работ;
• арганізуе асвятленне вуліц і ўстаноўку ўказальнікаў з назвамі вуліц і нумарамі дамоў;
• арганізуе работы па выдаленні камунальных адходаў;
• здзяйсняе дзеянні, звязаныя з рэгістрацыяй актаў грамадзянскага стану;
• забяспечвае бяспеку дарожнага руху;
• выдае спецыяльныя дазволы (ліцэнзіі) на ажыццяўленне асобных відаў дзейнасці;
• уносіць прапановы аб вызваленні ад пасад кіраўнікоў размешчаных на адпаведнай тэрыторыі арганізацый, маёмасць якіх не знаходзіцца ў камунальнай уласнасці гэтай адміністрацыйна-тэрытарыяльнай адзінкі, у дзяржаўныя органы, у падпарадкаванні (веданні) якіх яны знаходзяцца, або органы кіравання гэтых арганізацый у выпадку невыканання імі рашэнняў Савета, выканкама базавага ўзроўню альбо Савета, выканкама абласнога ўзроўню, прынятых у межах іх кампетэнцыі, або іншых актаў заканадаўства;
• уносіць у кампетэнтныя дзяржаўныя органы прапановы аб прыцягненні да адказнасці размешчаных на адпаведнай тэрыторыі арганізацый, іх службовых асоб і іншых грамадзян, аб кампенсацыі шкоды, прычыненай іх рашэннямі, дзеяннямі (бяздзейнасцю) інтарэсам грамадзян, мясцовай гаспадарцы, навакольнаму асяроддзю, у выпадку невыканання імі рашэнняў Савета, выканкама базавага ўзроўню альбо Савета, выканкама абласнога ўзроўню, прынятых у межах іх кампетэнцыі, або іншых актаў заканадаўства;
• адмяняе рашэнні ніжэйстаячых выканаўчых і распарадчых органаў, распараджэнні іх кіраўнікоў, калі яны не адпавядаюць рашэнням раённага Савета дэпутатаў, выканкама базавага ўзроўню альбо Савета дэпутатаў, выканкама абласнога ўзроўню, прынятым у межах іх кампетэнцыі, або іншым актам заканадаўства;
• ажыццяўляе іншыя паўнамоцтвы, прадугледжаныя Законам Рэспублікі Беларусь ад 4 студзеня 2010 г. «Аб мясцовым кіраванні і самакіраванні ў Рэспубліцы Беларусь» і іншымі актамі заканадаўства.