Пазапланавы маніторынг аб'ектаў гандлю

У перыяд з 30 па 31 кастрычніка 2024 года работнікамі сектара нагляду і прафілактыкі Бешанковіцкага раённага аддзела па надзвычайных сітуацыях праведзены пазапланавыя маніторынгі выканання заканадаўства аб пажарнай бяспецы, у тым ліку абавязковых для выканання патрабаванняў тэхнічных нарматыўных прававых актаў сістэмы проціпажарнага нармавання і стандартызацыі Таварыства з абмежаванай адказнасцю «БелВудСтройТорг» (далей – ТАА) (г.п.Бешанковічы, вул.Чарапахоўская, 1Г) (дырэктар – Ткачонак Аляксей Аляксандравіч) і участка паштовай сувязі Бешанковічы Віцебскага філіяла рэспубліканскага ўнітарнага прадпрыемства «Белпошта» (далей – УПС) (г.п.Бешанковічы, вул.Савецкая, д.24) (начальнік участка – Адзінцова Вольга Аляксандраўна) прычынай чаго паслужыла выяўленне парушэнняў у ходзе правядзення прафілактычнай работы.

У ходзе праведзенай работы вывучана прадастаўленая дакументацыя, абследаваны будынкі (памяшканні) і прылеглая да іх тэрыторыя. 
Так, згодна з пастаўленымі ў рашэнні на правядзенне маніторынгу пытаннямі, былі выяўлены такія парушэнні рэжымнага характару як:
  • згодна п.п.19.1, п.19 (прыкладання Ф) і п.п.12.12.1 п.12.12 (прыкладання С) СН 2.02.03-2019, у абодвух суб'ектаў будынкі не абаронены сістэмай пажарнай сігналізацыі і не абсталяваны сістэмай апавяшчэння і кіравання эвакуацыяй людзей пры пажары;
  • не забяспечана адпаведнасць дыманепранікальных дзвярэй лесвічных клетак (адсутнічаюць ушчыльняльнікі ў прытворах, не забяспечана аўтаматычнае самазачыненне) (УПС);
  • прыменены матэрыялы з неустаноўленымі паказчыкамі пажарнай небяспекі для аздаблення столі (пакрыццё з ПВХ панэляў і афарбаванай ДСП (ДВП)) калідораў другога паверха і падлогі (пакрыццё з лінолеўма) калідораў першага і другога паверхаў будынка (УПС);
  • не забяспечана магчымасць свабоднага адкрывання знутры без ключа замка на дзвярах, размешчаных на шляхах эвакуацыі з памяшкання крамы (ТАА);
  • не вызначаны катэгорыі па выбухапажарнай небяспецы ў адпаведнасці з крытэрыямі, якія вызначаюцца Міністэрствам па надзвычайных сітуацыях памяшканняў і будынка ў цэлым (ТАА);
  • на вонкавым баку варот (дзвярэй) будынка (памяшканняў), якія катэгаруюцца па выбухапажарнай і пажарнай небяспецы, не размешчаны ў поўным аб'ёме паказальнікі іх катэгорыі (ТАА);
  • памяшканні будынка не абсталяваны ў поўным аб'ёме першаснымі сродкамі пажаратушэння, у адпаведнасці з нормамі аснашчэння аб'ектаў першаснымі сродкамі пажаратушэння ў залежнасці ад іх вогнетушыльнай здольнасці, плошчы абароненых памяшканняў, функцыянальнага прызначэння, асаблівасцей эксплуатацыі, фізіка-хімічных і пажаранебяспечных уласцівасцей рэчываў і матэрыялаў, што звяртаюцца (ТАА);
  • у супрацьпажарных разрывах ад будынка складаюцца гаручыя матэрыялы (ТАА);
  • пры ўсталёўцы мэблі і захоўванні тавараў, што рэалізуюцца, не забяспечана шырыня праходаў у гандлёвай зале крамы не менш за 1 м. згодна з п.7.5.4.3 СН 2.02.05-2020 (ТАА) і г.п.
    • Таксама выяўлены парушэнні патрабаванняў пажарнай бяспекі капітальнага характару, у частцы:
    • уладкавання парогаў на шляхах эвакуацыі будынка - выкананы вышынёй больш за 0,06 м. (УПС і ТАА);
    • уладкавання маршаў лесвіц - прыступкі маюць розную вышыню і шырыню праступі (УПС і ТАА);
    • уладкавання пандуса на шляхах эвакуацыі на перападзе узроўняў падлогі – мае ўхіл больш за 1:6 (УПС) і г.п.

    У ходзе маніторынгаў праведзены інструктажы (гутаркі) аб мерах пажарнай бяспекі з работнікамі аб'ектаў. 
    Даведачна:
    Адказнасць за дадзеныя парушэнні прадугледжана арт. 24.36 Кодэкса Рэспублікі Беларусь аб адміністрацыйных правапарушэннях.

    Па выніках маніторынгаў на дадзены момант кіраўнікам уручаны рэкамендацыі, у якіх пазначаны канкрэтныя парушэнні пажарнай бяспекі і тэрміны іх ліквідацыі. 
    Кансультацыю па пытаннях пажарнай бяспекі можна атрымаць у работнікаў сектара нагляду і прафілактыкі Бешанковіцкага РАНС па адрасе: г.п. Бешанковічы. вул. Урыцкага, 100, або па 
    тэлефоне 8 (02131) 6 51 55.
     
     
    Старшы інспектар СНіП 
    Бешанковіцкага РАНС Мілашкін А.А.