Увазе плацельшчыкаў!

Бешанковіцкі раённы аддзел Віцебскага абласнога ўпраўлення Фонду сацыяльнай абароны насельніцтва Міністэрства працы і сацыяльнай абароны Рэспублікі Беларусь нагадвае, што справаздачу формы 4-фонд абавязаны прадстаўляць працадаўцы, якія з'яўляюцца плацельшчыкамі абавязковых страхавых узносаў у бюджэт фонду (ч. 1 п. 1 Указанняў па запаўненні справаздачы 4-фонд). Да іх адносяцца і індывідуальныя прадпрымальнікі, якія выкарыстоўваюць наёмную працу. Індывідуальныя прадпрымальнікі, якія ажыццяўляюць сваю дзейнасць без прыцягнення наёмных работнікаў, справаздачу формы 4-фонд не прадстаўляюць.

Справаздача формы 4-фонд прадстаўляецца штоквартальна не пазней 20-га чысла пасля справаздачнага перыяду.

За несвоечасовае прадстаўленне плацельшчыкам справаздачы формы 

4-фонд прадугледжана адказнасць у выглядзе адміністрацыйнага штрафу.

Справаздача формы 4-фонд падаецца плацельшчыкамі ў тэрытарыяльны орган Фонду сацыяльнай абароны насельніцтва па месцы пастаноўкі іх на ўлік.

Важна! Раздзел V справаздачы 4-фонд «Даведачная інфармацыя» дапоўнены, у прыватнасці, радком 49, па якім адлюстроўваецца агульная сума выплат у грашовым і (або) натуральным выражэнні, налічаная работнікам, уключаючы ўзнагароджанні па грамадзянска-прававых дагаворах.

У адрозненне ад выплат, налічаных на карысць работніка, якія адлюстроўваюцца ў радку 05 раздзела I «Звесткі аб выплатах» справаздачы 4-фонд, у радку 49 працадаўцам адлюстроўваюцца ўсе выплаты працуючаму грамадзяніну без абмежаванняў, устаноўленых заканадаўствам.

Больш падрабязна з інфармацыяй аб методыцы запаўнення радка 49 можна азнаёміцца па спасылцы: https://ssf.gov.by/uploads/files/Statjja-na-sajt-stroka-49-itog-s-primerom-2-dopolnitelnoe-razjjasnenie.pdf