«Урачыста клянуся!» – з гэтымі словамі ў Віцебску на плошчы Герба і Сцяга новае папаўненне воінскай часці 5524 прысягнула на вернасць Радзіме і беларускаму народу. Сваю клятву прынялі і навучэнцы ваенна-патрыятычнага клуба «Віцязь».

– Прысяга – гэта важная састаўная частка ў выхаванні падрастаючага пакалення. Дзякуючы гэтаму абраду прызыўнік становіцца сапраўдным мужчынам, абаронцам сваёй зямлі, Айчыны. Вельмі прыемна адзначыць, што прысяга ваеннаслужачых і выхаванцаў ваенна-патрыятычнага клуба адбылася на новай лакацыі Віцебска – плошчы Сцяга і Герба. Гэты ўрачысты момант запомніцца хлопцам надоўга, – падкрэсліў старшыня аблвыканкама Аляксандр Субоцін.

Камандзір в/ч 5524 палкоўнік Аляксандр Усманаў распавёў, што на вернасць Радзіме прысягнулі 55 ваеннаслужачых тэрміновай службы і 32 ваеннаслужачыя, прызваныя для праходжання службы па кантракце.

– Хлопцы ўжо прайшлі агульнавайсковую і пачатковую ваенную падрыхтоўку. У далейшым пасля завяршэння вучэбнага збору іх чакае расфарміраванне па падраздзяленнях. Ваеннаслужачыя тэрміновай службы будуць размеркаваны ў Віцебск і Полацк. Тыя, хто прызваны для праходжання службы па кантракце – у Оршу, Глыбокае, Наваполацк, частка застанецца ў Віцебску для выканання службова-баявых задач, якія выконваюць унутраныя войскі згодна з законам, – адзначыў Аляксандр Усманаў.

Навабранцы ўрачыста пакляліся быць адданымі беларускаму народу, свята выконваць Канстытуцыю Рэспублікі Беларусь, выконваць патрабаванні воінскіх статутаў, загады камандзіраў і начальнікаў, мужна і самааддана абараняць незалежнасць сваёй краіны.

Сярод іх – Фарыд Новікаў, для якога абарона Айчыны – святы абавязак.

– Служба ў арміі выхоўвае сапраўдных мужчын, дысцыплінуе, удасканальвае фізічную падрыхтоўку. Сёння вельмі хвалюючы і ўрачысты момант для мяне і маіх саслужыўцаў. Кожны мужчына па