Пытанні ЖКГ, выкарыстання сямейнага капіталу, добраўпарадкавання мікрараёна Білева-3. Сяргей Леўковіч правёў прыём грамадзян у Віцебску

Пытанні ЖКГ, добраўпарадкавання, прадастаўлення возера ў арэнду, выкарыстання сямейнага капіталу і не толькі разгледзеў на асабістым прыёме грамадзян памочнік Прэзідэнта – інспектар па Віцебскай вобласці Сяргей Ляўковіч.

На прыём да памочніка Прэзідэнта прыйшлі дзве жыхаркі Віцебска, якія пражываюць у шматпавярховым доме па вул. Цітова. Адна з іх, якая жыве на першым паверсе, падзялілася праблемамі, з якімі сутыкаюцца жыльцы:

– З-за працёку ў склепе ў кватэрах стаіць невыносны пах. Нядаўна быў збой у каналізацыі – усё яе змесціва апынулася ва ўнітазе і ваннай. Аварыйная служба ліквідавала непаладкі і прачысціла знешнія сеткі.

Старшыня гарвыканкама Аляксей Героеў пацвердзіў, што аб праблеме вядома, і знешнія сеткі сапраўды праверылі. Аднак, па яго словах, сітуацыя патрабуе далейшай увагі.

– У гэтым доме часта выяўляюцца парушэнні, калі з каналізацыі дастаюцца староннія прадметы, – адзначыў ён.

– Некаторыя суседзі выкарыстоўваюць каналізацыю як смеццевае вядро, і знайсці вінаватых у гэтым складана. Наша задача – пераканаць жыльцоў правільна выкарыстоўваць даброты цывілізацыі. Калі аварыі ўсё ж адбываюцца, службы павінны рэагаваць аператыўна, – адзначыў Сяргей Ляўковіч, падкрэсліўшы важнасць хуткасці рэакцыі камунальных службаў у дадзеным выпадку.

Памочнік Прэзідэнта даручыў распрацаваць меры па ліквідацыі непрыемнага паху са склепа і кватэр.

Другая жыхарка, шматдзетная маці, падняла пытанне аб магчымасці выкарыстання матчынага капіталу для пакупкі дома.

– Я выхоўваю адна шасцярых дзяцей, і хацела б набыць домік, каб яны маглі праводзіць час на прыродзе і загартавацца, паколькі дзеці часта хварэюць, – расказала яна.

Прад