Свята бяспекі ў Бешанковічах

У цэнтральным парку пасёлка Бешанковічы ратавальнікі сумесна з супрацоўнікамі Міністэрства ўнутраных спраў, аддзелам ідэалагічнай работы, культуры і па справах моладзі райвыканкама, медыцынскімі работнікамі, прадстаўнікамі газавай службы арганізавалі для дарослых і дзяцей навучанне па асновах бяспечнай жыццядзейнасці. Гасцей свята чакалі паказальныя выступленні ад кіналагічнай службы Дэпартамента аховы, майстар-клас па аказанні першай медыцынскай дапамогі, тэатралізаваная праграма ад раённага цэнтра культуры. Ратавальнікі арганізавалі інтэрактыўную пляцоўку, на якой можна было даведацца аб асноўных прычынах узнікнення пажараў і правілах пажарнай бяспекі, якія неабходна выконваць у быце, а таксама арганізавалі паказ аварыйна-выратавальнага абсталявання і тэхнікі.

Дзеці з дапамогай казачных герояў у незацяжлівай гульнявой форме ўспомнілі правілы паводзін на дарозе, а таксама элементарныя правілы барацьбы з агнём.

Пад вясёлую музыку праходзілі рухомыя конкурсы і віктарыны. Дзеці з задавальненнем адгадвалі загадкі і за свае старанні атрымлівалі прызы.