XIII Рэспубліканскі фестываль нацыянальных культур пройдзе ў Гродне 3-4 чэрвеня

Фестывалі нацыянальных культур – сімвал міру і міжнацыянальнай дружбы на беларускай зямлі, яднання нацый і народнасцей, іх духоўнага багацця і творчага патэнцыялу. Гэта ўнікальная магчымасць назіраць сапраўднае сузор'е талентаў прадстаўнікоў розных нацыянальнасцей, якія жывуць і працуюць у Беларусі. Свята сцвярджае значнасць і запатрабаванасць кожнага грамадзяніна Беларусі, што вызначае адзінства і згуртаванне ўсяго народа, захаванне сацыяльнай стабільнасці ў грамадстве.

Асноўнымі мэтамі правядзення фестываляў нацыянальных культур з'яўляюцца далейшая гарманізацыя міжнацыянальных адносі

З прычыны неспрыяльнай эпідэміялагічнай сітуацыі XIIIРэспубліканскі фестываль нацыянальных культур адкрыўся толькі праз чатыры гады пасля папярэдняга – 11 верасня 2021 года ў Мінску. Гэта падзея супала з днём нараджэння сталіцы і стала часткай вялікага свята. У маштабным канцэрце-адкрыцці прынялі ўдзел прадстаўнікі 25 нацыянальнасцей. Сваю культуру, у тым ліку традыцыйныя касцюмы і вырабы народных майстроў, музычнае, харэаграфічнае і кулінарнае мастацтва прадставілі: азербайджанцы, армяне, афганцы, беларусы, башкіры, грузіны, дагестанцы, яўрэі, ірландцы, італьянцы, індыйцы, карэйцы, кітайцы, літоўцы, малдаване, немцы, палякі, палесцінцы, рускія, татары, туркмены, украінцы, цыганы, чувашы, эстонцы. Характэрна, што госці фестывалю змаглі не толькі паглядзець, але і прымерыць на сябе некаторыя нацыянальныя касцюмы.

Заключныя мерапрыемствы фестывалю, на якія па выніку адборачных рэгіянальных тураў прайшло больш за 800 удзельнікаў, па традыцыі адбудуцца ў Гродне 3–5 чэрвеня 2022 года.

Напярэдадні ўрачыстага адкрыцця завяршаецца падрыхтоўка агульнай праграмы мерапрыемстваў, зацверджаны рабочыя планы. Гродзенскім аблвыканкамам і гарвыканкамам створаны штаб з удзелам усіх зацікаўленых службаў для аператыўнага вырашэння узнікаючых пытанняў. Распрацавана схема размяшчэння асноўных аб'ектаў, канцэртных і іншых пляцовак, эскізы мастацкага афармлення тэрыторыі правядзення, эскізы друкаванай прадукцыі. Зацверджаны эскіз асноўнага прыза.

Вызначаны і рыхтуюцца месцы для размяшчэння 17 падворкаў для 30 нацыянальнасцей у дварах па вуліцах: Савецкая, Замкавая, Віленская, Ажэшка.

2022 год аб'яўлены Годам гістарычнай памяці, таму сімвалічна, што з удзелам ганаровых гасцей Фестывалю ў парку імя Жылібера адбудзецца цырымонія ускладання кветак і вянкоў да брацкай магілы воінаў і партызан, якія загінулі ў гады Вялікай Айчыннай вайны. Пасля гэтага ў галерэі імя Тызенгаўзена пройдзе круглы стол «Беларусь – наш агульны дом: адзінства нацый і пакаленняў». Акрамя таго, паралельна адбудзецца яшчэ адзін круглы стол у Гродзенскай абласной бібліятэцы імя Е.Ф. Карскага «Адзінства культуры і літаратуры: Беларусь – пляцоўка міралюбства» і ў Новым замку дыялогавая пляцоўка па турызме: «PRO-ТУРИЗМ: Галіновая аналітыка і трэнды 2022».

Плануецца прэзентацыя выставачных праектаў: «Адзінства народаў – залог Вялікай Перамогі» і «Беларусь – наш агульны дом», а таксама кніг: «Сёстры Хатыні» і «Фестываль жыцця», прысвечанай гісторыі форуму.

Усяго ў праграму фестывалю ўключана правядзенне каля 50 мерапрыемстваў. Сярод іх тэатралізаванае шэсце нацыянальна-культурных грамадскіх аб'яднанняў «Вянок нацыянальных культур», цырымоніі адкрыцця і закрыцця фестывалю, праца беларускага падворка «Дамашні ачаг», дзе будуць прадстаўлены ўсе рэгіёны нашай краіны. Акрамя таго, усе рэгіёны рэспублікі на пляцоўцы «Беларусь вачыма турыста» прадставяць свой турыстычны патэнцыял. Пройдуць шматлікія канцэртныя праграмы калектываў прафесійнай і аматарскай творчасці, зорак беларускай эстрады.

Аматары кінамастацтва змогуць атрымаць асалоду ад прагляду кіно пад адкрытым небам, якое будзе арганізавана ў кінадворыку кінатэатра «Чырвоная зорка». Там жа, у другі дзень фестывалю, у гледачоў з'явіцца магчымасць паўдзельнічаць у майстар-класах і творчых праграмах.

Юным гасцям фестывалю будзе прапанавана стаць удзельнікамі канцэртна-забаўляльнай праграмы дзіцячых творчых калектываў «Музычнае суладдзе» і «Фарбы фестывалю». Нагадаюць аб правілах бяспекі на пляцоўцы, арганізаванай упраўленнем МНС «Кірмаш бяспекі».

Для моладзевай аўдыторыі прапануецца «Фестывальны калейдаскоп» – канцэртная праграма кавер-бэнда, фаер-шоу «Агні фестывалю», канцэртна-забаўляльная праграма замежных студэнтаў ВНУ г.Гродна «Вянок дружбы».

На працягу фестывальных дзён можна будзе пакаштаваць стравы розных нацыянальных кухняў у рэстаране пад адкрытым небам.

Міністэрствам сувязі і інфарматызацыі распрацаваны і зацверджаны эскіз «фестывальнага» канверта з арыгінальнай маркай, прадугледжана яго гашэнне ў рамках святочнай праграмы. Міністэрствам спорту і турызму сумесна з Гродзенскім аблвыканкамам і Гродзенскім гарвыканкамам рыхтуецца фестываль вулічнага экстрыму з удзелам прадстаўнікоў рэгіёнаў рэспублікі. Прадпрыемствамі горада арганізаваны выпуск прадукцыі з нанясеннем лагатыпа Фестывалю (хлеб, малочныя і мясныя вырабы, алкагольная прадукцыя і інш.).

Для ўдзелу ў творчай пляцоўцы «Карагод студэнцтва» арганізавана ўдзел студэнцкіх творчых калектываў з удзелам замежных студэнтаў. Запланавана праца больш за 170 нестацыянарных гандлёвых аб'ектаў і нестацыянарных аб'ектаў грамадскага харчавання больш чым на 3 тысячы месцаў. Прадугледжана афармленне гандлёвых месцаў, форменнай адзежы ў выглядзе нацыянальных касцюмаў, вырабляюцца элементы форменнай адзежы работнікаў, цэннікі, бэйджы з эмблемай фестывалю.

У нядзелю, 5 чэрвеня, фестываль запрасіць усіх на Аўгустоўскі канал. Гастрафест, спаборніцтвы на тачках і па кіданні валёнак, «курыныя бегі», конкурсы па паяданні сасісак і дранікаў. Для дзяцей арганізуюць «Казкі на траве», прапануюць пабываць у ролі будаўнікоў і канструктараў «міні» Аўгустоўскага канала, пабудаваць сапраўднае жыллё індзейца «Ты-пі». Для аматараў экстрыму арганізатары падрыхтавалі сапраўднае «Шоу сілачоў» – скручванне ў трубачку металічнай лапаты і завязванне ў вузел сталёвых цвікоў.

Для годнай сустрэчы гасцей вядуцца актыўныя рамонтныя работы каля 110 будынкаў і праводзіцца добраўпарадкаванне прылеглых да іх тэрыторый. Плануецца размяшчэнне звыш 110 дэкаратыўных канструкцый з выкарыстаннем тэматычных банэраў і флаг-канструкцый, кветак, якія будуць размешчаны як у цэнтральнай частцы горада, так і з боку ўездаў у яго з розных напрамкаў.

На транспартных развязках горада будуць размешчаны 49 канструкцый «піраміда», на разрэзных транспартных кальцах з выкарыстаннем канструкцыі «сфера-шар». Выраблена 40 новых відаў дэкаратыўных канструкцый («Рытм», «Трыумф», «Пілон святочны», велапарKоўка фестывальная). Запланавана ўрачыстае адкрыццё комплексу будынкаў, пабудаванага па прынцыпе гістарычнага аднаўлення «Дом рыбака» па вул. Замкавай, 12.

Інфармацыйны партнёр фестывалю – ЗАТ «Сталічнае тэлебачанне».