За працу і прафесіяналізм: жыхары Бешанковіцкага раёна адзначаны ўзнагародамі
Шэраг нашых землякоў урачыста ўзнагароджаны ў райвыканкаме.
Заслужаныя ўзнагароды разам з цёплымі словамі падзякі, кветкамі ўручыла кіраўніца раёна Галіна Уладзіміраўна Унуковіч.
Сама Галіна Уладзіміраўна ўдастоена Падзякі старшыні камітэта па працы, занятасці і сацыяльнай абароне Віцебскага аблвыканкама за высокі ўзровень падрыхтоўкі і правядзенне абласнога семінара «Рэвалюцыйны падыход да бяспекі і гігіены працы: роля штучнага інтэлекту і цыфравізацыі на працоўных месцах» (прайшоў у красавіку бягучага года). За высокі арганізацыйны ўзровень мерапрыемства Падзяка старшыні камітэта па працы, занятасці і сацыяльнай абароне Віцебскага аблвыканкама аб'яўлена таксама намесніку старшыні райвыканкама Таццяне Іванаўне Ждановіч і начальніку ўпраўлення па працы, занятасці і сацыяльнай абароне райвыканкама Алене Станіславаўне Аўчыннікавай.
За шматгадовую добрасумленную працу, высокі прафесіяналізм і плённую падрыхтоўку навучэнцаў Ульскага каледжа імя Л. М. Даватара да VI рэспубліканскага конкурсу прафесійнага майстэрства «ProfSkills Belarus 2025» Падзяка старшыні Бешанковіцкага райвыканкама аб'яўлена майстрам вытворчага навучання Святлане Віктараўне Гамзюк і Сяргею Уладзіміравічу Жукаву.
Конкурс адбыўся ў маі ў Мінску. На працягу трохдзённых спаборніцтваў навучэнцы, маладыя рабочыя Беларусі, Расіі, Кітая, Казахстана, Зімбабвэ, Азербайджана, Узбекістана, Пакістана — усяго каля 4300 канкурсантаў — дэманстравалі свае здольнасці ў 50 кампетэнцыях. Ульчане тады ўвайшлі ў тройку прызёраў: Аляксей Белька — у кампетэнцыі «Эксплуатацыя сельскагаспадарчых машын», Кацярына Сапега — у кампетэнцыі «Рабочы зялёнага будаўніцтва».
За добрасумленную працу, высокі прафесіяналізм і плённую падрыхтоўку навучэнцаў каледжа да абласнога этапу рэспубліканскага конкурсу юных экскурсаводаў музея ўстановы адукацыі Падзякай старшыні райвыканкама адзначана Святлана Андрэеўна Рублеўская.
За аказанае садзейнічанне пры правядзенні мерапрыемстваў праекта «Поезд памяці» на тэрыторыі раёна, іх асвятленні ў СМІ Падзяка старшыні райвыканкама аб'яўлена начальніку аддзела па адукацыі райвыканкама Мікалаю Віктаравічу Шыпулю, дырэктару СШ №2 імя М. Н. Ткачанкі Вользе Леанідаўне Красакавай, старшаму навуковаму супрацоўніку раённага гісторыка-краязнаўчага музея Станіславу Пятровічу Леаненку, дырэктару Ржаўскай базавай школы імя М. Г. Гелавані Аляксандру Аляксандравічу Шыпулю, дырэктару раённага цэнтра дзяцей і моладзі Анжале Валянцінаўне Ючковіч.
У чэрвені ў Віцебску і Полацку адбыліся мерапрыемствы культурна-адукацыйнага праекта «Цягнік памяці», у якім узялі ўдзел прадстаўнікі органаў улады, грамадскасці, іншыя ганаровыя госці. Удзельнікі праекта з Грузіі наведалі брацкую магілу савецкіх воінаў у в. Саннікі, дзе спачывае вядомы грузінскі паэт Мірза Гелавані, а таксама Ражаўскую базавую школу, якой у 2022 годзе ўрачыста прысвоена яго імя. Наведалі і другую школу райцэнтра, якая таксама носіць імя Героя Савецкага Саюза — М. М. Ткачэнкі. Арганізатары праекта, навучэнцы і госці адзначылі тады беражлівае стаўленне да захавання гістарычнай памяці, духоўнасці і культурнай спадчыны, прафесіяналізм, высокі ўзровень падрыхтоўкі, зладжаную аператыўную працу ўсіх зацікаўленых службаў.