Аб дзяржаўных закупках

Праведзеным у мінулым перыядзе 2018 года пракуратурай раёна маніторынгам выяўлена негатыўная тэндэнцыя па выкананні патрабаванняў заканадаўства пры ажыццяўленні закупак тавараў (работ, паслуг) суб'ектамі гаспадарання раёна.

Сістэматычна пракуратурай раёна выяўляюцца парушэнні пры правядзенні і афармленні вынікаў закупак. Пры гэтым, выяўленыя парушэнні носяць аднатыпны характар і ўласцівыя фактычна для ўсіх суб'ектаў гаспадарання.

Напрыклад, штогод у тэрмін да 8 сакавіка падлягае зацвярджэнню і размяшчэнню на афіцыйным сайце ІС «Тэндэры» гадавы план дзяржаўных закупак. Правядзенне дзяржаўнай закупкі тавараў (работ, паслуг) без адпаведнага размяшчэння плана закупак з'яўляецца недапушчальным. Разам з тым, дадзеныя патрабаванні не выконваюцца большасцю суб'ектаў гаспадарання.

Таксама выяўлены парушэнні ў частцы выбару працэдуры закупкі, своечасовага размяшчэння інфармацыі аб праводзімых і праведзеных дзяржаўных закупках.

Акрамя парушэнняў патрабаванняў заканадаўства пры ажыццяўленні дзяржаўных закупак, пракуратурай раёна таксама выяўляліся факты парушэння заканадаўства пры ажыццяўленні закупак за кошт уласных сродкаў прадпрыемстваў.

Так, віды працэдур закупак за кошт уласных сродкаў, а таксама ўмовы іх прымянення і правядзення, патрабаванні да заключэння і выканання дагавораў на закупкі, а таксама іншыя палажэнні, звязаныя з ажыццяўленнем закупак, вызначаюцца арганізацыямі ў парадку ажыццяўлення закупак за кошт уласных сродкаў, якія ў абавязковым парадку падлягаюць размяшчэнню на афіцыйным сайце ІС «Тэндэры». Разам з тым, шэрагам прадпрыемстваў раёна пры ажыццяўленні закупак парадак іх правядзення не распрацоўваўся і на афіцыйным сайце ІС «Тэндэры» не размяшчаўся.

Па выніках выяўленых парушэнняў па даручэнні пракурора раёна да адміністрацыйнай адказнасці за парушэнні патрабаванняў заканадаўства пры ажыццяўленні закупак тавараў (работ, паслуг) прыцягнута 11 фізічных асоб.