Намеснік начальніка абласнога ўпраўлення Аляксей Макеенка наведаў Бешанковіцкі раён
Аляксей Мікалаевіч правёў сустрэчу з працоўнымі калектывамі прыватнага прадпрыемства «Тандыпак» і на малочна-таварнай ферме сельскагаспадарчага прадпрыемства «Вядзярава».
У сваім выступленні ратавальнік асвятліў асноўныя правілы бяспечных паводзін на працоўным месцы і ў быце, акцэнтаваўшы ўвагу на тыповых памылках, якія могуць справакаваць надзвычайную сітуацыю.
- Неабдуманае стаўленне некаторых грамадзян да пытанняў пажарнай бяспекі з'яўляецца асноўнай прычынай, якая спрыяе ўзнікненню пажару, - падкрэсліў Аляксей Мікалаевіч. - Прычым, мы самі, ведаючы, да чаго прыводзяць тыя ці іншыя парушэнні, працягваем выпрабоўваць лёс, спадзеючыся, што бяда абыдзе бокам.
Таксама была закранута і тэма дзіцячай бяспекі. Прысутным нагадалі аб недапушчальнасці пакідання непаўналетніх без нагляду. Акрамя таго, намеснік начальніка ўпраўлення нагадаў аб існаванні такога сродку ранняга выяўлення пажару, як аўтаномны пажарны апавяшчальнік, і заклікаў работнікаў прадпрыемстваў з яго дапамогай упарадкаваць
Пасля гэтага Аляксей Мікалаевіч сустрэўся з работнікамі Бешанковіцкага раённага аддзела па надзвычайных сітуацыях і выслухаў усе прапановы па ўдасканаленні службы і адказаў на хвалюючыя пытанні.