Завершана правядзенне кантрольных маніторынгаў на аб'ектах прыватнай уласнасці

У студзені 2021 года інспекцыяй нагляду і прафілактыкі Бешанковіцкага раённага аддзела па надзвычайных сітуацыях праведзены паўторныя (кантрольныя) маніторынгі выканання заканадаўства аб пажарнай бяспецы, у тым ліку абавязковых для выканання патрабаванняў тэхнічных нарматыўных прававых актаў сістэмы проціпажарнага нармавання і стандартызацыі Таварыствам з абмежаванай адказнасцю «Журавінка», якое ажыццяўляе дзейнасць у г.п.Бешанковічы па вул.Савецкай, 22 (кіраўнік суб'екта гаспадарання – Іваненка Аляксей Пятровіч), Прыватным гандлёвым унітарным прадпрыемствам «БЕРДТОРГ», якое ажыццяўляе дзейнасць у г.п.Бешанковічы па вул.Усіцкага, 13 і 76 (кіраўнік суб'екта гаспадарання – Берднік Алена Алегаўна) і Таварыствам з абмежаванай адказнасцю «БелВудБудГандль», якое ажыццяўляе дзейнасць у г.п.Бешанковічы па вул.Чарапахава, 1Г (кіраўнік суб'екта гаспадарання - Ткачонак Аляксей Аляксандравіч).

У ходзе праведзенай працы ўстаноўлена, што ўсе раней выяўленыя парушэнні, якія не патрабуюць значных матэрыяльных затрат, а таксама прыцягнення старонніх арганізацый, выкананы ў поўным аб'ёме.

Па дадзеных суб'ектах гаспадарання хочацца адзначыць разуменне і прынцыповасць па пытаннях выканання рэкамендацый органаў дзяржаўнага пажарнага нагляду, накіраваных на забеспячэнне пажарнай бяспекі, з боку кіраўнікоў.

Кіраўнікам усіх форм уласнасці яшчэ раз хочацца нагадаць, што праява ініцыятывы і разуменне неабходнасці выканання мерапрыемстваў, накіраваных на забеспячэнне бяспекі, не толькі па напрамку пажарнай бяспекі, дазваляе пазбегнуць правядзення вялікага аб'ёму работ, які неабходна выканаць у кароткія тэрміны, мер адміністрацыйнага прымушэння і спынення, а таксама своечасова прадухіліць надзвычайную сітуацыю.

Старшы інспектар ІНіП

Бешанковіцкага РАНС Мілашкін А.А.