Для выяўлення фактаў гандлю піратэхнікай з парушэннем заканадаўства АУС Бешанковіцкага райвыканкама ўжо праводзяцца прафілактычныя мерапрыемствы

З набліжэннем калядных і навагодніх святаў грамадзянамі і суб'ектамі гаспадарання ажыццяўляецца інтэнсіўнае набыццё піратэхнічных вырабаў з мэтай іх наступнага выкарыстання альбо рэалізацыі.

Для выяўлення і спынення фактаў ажыццяўлення гандлю з парушэннем заканадаўства аддзелам унутраных спраў Бешанковіцкага райвыканкама ўжо праводзіцца комплекс прафілактычных мерапрыемстваў, у прыватнасці праверка як спецыялізаваных месцаў рэалізацыі піратэхнічных вырабаў, так і іншых магчымых месцаў - рынкаў, гандлёвых цэнтраў, магазінаў і г.д.

У сувязі з гэтым хацелася б давесці да ведама грамадзян, якія ажыццяўляюць рэалізацыю піратэхнічных вырабаў, што ў адпаведнасці з Пастановай Савета Міністраў Рэспублікі Беларусь №703 ад 22 лiпеня 2014 года не дапускаецца рэалізацыя піратэхнічных вырабаў у неізаляваных гандлёвых аб'ектах, напрыклад, у кіёсках, палатках, з перасоўных сродкаў развозной і разноснага гандлю.

За парушэнні правілаў абыходжання з піратэхнічнымі вырабамі ў заканадаўстве Рэспублікі Беларусь прадугледжаная як адміністрацыйная, так і крымінальная адказнасць. У адпаведнасці з арт. 23.48 КаАП Рэспублікі Беларусь, за парушэнне правілаў абыходжання з піратэхнічнымі вырабамі прадугледжана папярэджанне або накладанне штрафу ў памеры да дзесяці базавых велічынь, а за паўторнае ўчыненне названай дзеі - штраф у памеры ад дзесяці да дваццаці базавых велічынь з канфіскацыяй або без канфіскацыі прадмета адміністрацыйнага правапарушэння.

За выкарыстанне піратэхнічных вырабаў у грамадскіх месцах грамадзяне будуць прыцягвацца да адміністрацыйнай адказнасці па арт.17.1 КаАП Рэспублікі Беларусь за "дробнае хуліганства", так як гэтыя ўчынкі парушаюць як грамадскі парадак, так і спакой грамадзян, за што прадугледжаны штраф у памеры ад двух да трыццаці базавых велічынь або адміністрацыйны арышт.

Пры нанясенні піратэхнічнымі вырабамі шкоды жыццю і здароўю грамадзян надыходзіць крымінальная адказнасць, у прыватнасці па арт. 299 Крымінальнага кодэкса Рэспублікі Беларусь, у адпаведнасці з якой прадугледжана адказнасць нават у выглядзе пазбаўлення волі на тэрмін да сямі гадоў.

Пры правядзенні ў мінулым годзе навагодніх і калядных мерапрыемстваў супрацоўнікамі АУС вобласці было выяўлена 54 факту незаконнага абароту і выкарыстання піратэхнічных вырабаў і канфіскавана іх каля 100 тысяч адзінак, прыцягнута да адміністрацыйнай адказнасці 37 грамадзян. Нягледзячы на гэта, усё ж былі зафіксаваныя звароту грамадзян у медыцынскія ўстановы па фактах атрымання траўмаў у выніку выкарыстання даных вырабаў.

Як правіла, выкарыстанне піратэхнічных вырабаў выклікае негатыўную рэакцыю грамадзян, іх абгрунтаваныя звароты ў розныя інстанцыі аб прыняцці мер да вінаватых і падтрыманню належнага грамадскага парадку, а таксама прыводзіць да траўматызму, у першую чаргу сярод непаўналетніх. Таму хочацца перасцерагчы, а таксама сказаць паважаным бацькам аб правядзенні імі больш стараннага кантролю за сваімі дзецьмі напярэдадні навагодніх святаў.

Аляксандр Рыбакоў,

начальнік РАУС

"Зара"