Адрас райвыканкама: 211361, Віцебская вобласць, г.п. Бешанковічы, вул. Чуклая, 13
Тэлефон прыёмнай: 8 (02131) 6-42-45
E-mail: priemnay@beshenkovichi.gov.by
Сёння спецыялісты землеўпарадкавальнай службы Беларусі адзначаюць сваё прафесійнае свята. Гэта людзі, на якіх ускладзены вялізны аб'ём работы, прычым работы разнапланавай, якая патрабуе высокага прафесіяналізму, скрупулёзнасці і ўважлівасці.
Усімі пералічанымі вышэй якасцямі валодаюць і Бешанковіцкіяземлеўпарадкавальнікі. У цяперашні час у землеўпарадкавальнай службе райвыканкама працуюць 4 чалавекі. Узначальвае гэты невялікі калектыў Г. І. Устюгова. На сваіх падначаленых і калег - галоўных спецыялістаў землеўпарадкавальнай службы Т. С. Ганчарову, М. А. Асіповіч і О. А. Грыгор'еву - Галіна Іосіфаўна заўсёды можа разлічваць, даверыць ім любую работу. Дарэчы, Вольга Аляксандраўна Грыгор'ева зусім нядаўна улілася ў новы калектыў, але ўжо дэманструе адказныя адносіны да справы.
- Зямлю абмерыць - справа няпростая. Працы ў нас нямала: гэта і разгляд зваротаў грамадзян, юрыдычных асоб і індывідуальных прадпрымальнікаў, якія ўжо валодаюць або толькі збіраюцца аформіць зямельныя ўчасткі, і праца з самімі ўчасткамі, і дазвол зямельных спрэчак, бо кожны кавалачак зямлі ў нас на строгім уліку, - распавяла Г. І. Устюгова.
У мінулым годзе спецыялістамі службы разгледжана 290 заяў юрыдычных і фізічных асоб, падрыхтавана 483 рашэнні. Прадоўжана практыка правядзення аўкцыёнаў па продажы зямельных участкаў. У 2019 годзе прадалі 4 участкі, у 2020-м запланаваны продаж шасці ўчасткаў.
За мінулы год спецыялістамі службы складзена 87 адміністрацыйных спраў за парушэнне зямельнага заканадаўства, у тым ліку 47 пастаноў і 40 пратаколаў. У даход дзяржавы выплачана штрафаў на суму крыху больш за 2125 рублёў. Самае распаўсюджанае парушэнне зямельнага заканадаўства - па ч. 2 арт. 15.10 КаАП Рэспублікі Беларусь (парушэнне парадку выкарыстання зямлі і патрабаванняў па яе ахове). На кантролі землеўпарадчыкаў і пытанні па барацьбе з баршчэўнікам Сасноўскага. Так, за ігнараванне мерапрыемстваў па выдаленні раслін складзена 8 адміністрацыйных спраў, накіраваны 8 прадпісанняў і 11 інфармацыйных лістоў.
Кацярына ПЕТУХОВА,