13 кастрычніка 2023
14 кастрычніка – Рэспубліканскі дзень маці
Дзень маці адзначаюць у Беларусі з 1996 года. Гэта свята з'яўляецца прызнаннем асаблівай місіі жанчыны, звязанай з нараджэннем дзяцей, вялікім укладам яе ў захаванне і ўмацаванне духоўных, маральных і сямейных каштоўнасцей. Пашана і павага да жанчыны - адно з жыццёвых правілаў беларускага народа. Толькі маці ўмее любіць так самаахвярна і аддана сваіх дзяцей, яна дае першыя ўрокі маральнасці і захоўвае сямейныя ідэалы: пачуццё гонару і годнасці, сяброўства і ўзаемадапамогі, шанаванне бацькоў, міласэрнасць, роднасныя сувязі.
Традыцыя святкавання Дня маці ў Беларусі бярэ свой пачатак з рэлігійнага свята пад назвай Пакроў Прасвятой Багародзіцы. Паводле падання, у Іерусаліме ў 910-м годзе падчас службы Багародзіца явіла сябе тым, хто моліўся, і накрыла людзей пакровам белага колеру, абараніўшы дзяцей Божых. Таму Дзень маці і прымеркавалі да гэтага рэлігійнага свята.
Дзень маці мае вялікае значэнне ў ідэалогіі краіны, бо з'яўляецца своеасаблівым спосабам умацавання традыцыйных сямейных каштоўнасцяў і маральных асноў. У Рэспубліцы Беларусь клопат аб жанчыне, вырашэнне пытанняў бяспечнага мацярынства, падтрыманне рэпрадуктыўнага здароўя насельніцтва, павышэння нараджальнасці гарантаваны заканадаўчымі нарматыўнымі прававымі актамі: Канстытуцыя Рэспублікі Беларусь, Законы Рэспублікі Беларусь «Аб ахове здароўя», «Аб правах дзіцяці», Кодэксам «Аб шлюбе і сям'і».
У цяперашні час рэалізуецца Дзяржаўная праграма «Здароўе народа і дэмаграфічная бяспека Рэспублікі Беларусь». Задачамі праграмы з'яўляюцца павелічэнне нараджальнасці і ўзмацненне сацыяльна-эканамічнай падтрымкі сем'яў у сувязі з нараджэннем і выхаваннем дзяцей, стварэнне ўмоў для скарачэння сацыяльнага сіроцтва, развіццё сямейных форм уладкавання, выхаванне дзяцей-сірот і дзяцей, якія засталіся без апекі бацькоў, адраджэнне і прапаганда сямейных каштоўнасцей і традыцый, паляпшэнне рэпрадуктыўнага здароўя насельніцтва, ахова мацярынства і дзяцінства.
Дзяржава прызнала значнасць укладу беларускіх жанчын у многія сферы жыццядзейнасці грамадства. Многія сучасныя жанчыны заняты ў розных галінах эканомікі краіны, удзельнічаюць у кіраванні краінай, з'яўляючыся дэпутатамі мясцовых Саветаў дэпутатаў, дэпутатамі палат Нацыянальнага сходу Рэспублікі Беларусь. Асноўным прызнаннем значнасці мацярынства з'яўляецца заснаванне ў Беларусі ордэна Маці, якім узнагароджана больш за 5,2 тысячы жанчын, якія нарадзілі і выхавалі пяць і больш дзяцей. У Беларусі праводзіцца шэраг мер па паляпшэнні аховы мацярынства і дзяцінства, рэпрадуктыўнага здароўя жанчын: ахова здароўя цяжарных, удасканаленне педыятрычнай дапамогі, кансультаванне будучых бацькоў перад уступленнем у шлюб; стварэнне гінекалагічнай службы для дзяцей і падлеткаў; інфармацыйна-асветніцкая работа па фарміраванні здаровага ладу жыцця.
Жыццеўстойлівасць нацыі, грамадства і дзяржавы вызначае становішча сям'і, узровень яе дабрабыту і стабільнасці. Асаблівасці сацыяльна-эканамічных пераўтварэнняў апошніх дзесяцігоддзяў станоўча паўплывалі на ўзровень жыцця насельніцтва. Рэалізуюцца такія маштабныя сацыяльныя праграмы, як аказанне фінансавай дапамогі дзяржавы шматдзетным і маладым сем'ям пры будаўніцтве жылля, развіццё сістэмы бясплатнага забеспячэння прадуктамі харчавання дзяцей першых двух гадоў жыцця, аказанне адраснай сацыяльнай дапамогі.
Кожнае дзіця, якое нарадзілася, павінна быць жаданым, бо сям'я мае галоўнае значэнне ў станаўленні чалавека, яго развіцці і выхаванні.
У Рэспубліцы Беларусь адзначана ўстойлівая тэндэнцыя зніжэння ўсіх паказчыкаў дзіцячай смяротнасці. З дапамогай найноўшых тэхналогій у перынатальных цэнтрах рэспублікі выходжваюць нованароджаных з масай ад 500 да 1000 грамаў. Цяпер у поўнай меры рэалізаваны комплекс мер па паляпшэнню рэпрадуктыўнага здароўя жанчын і мужчын, арганізацыі спецыялізаванай дапамогі сем'ям з праблемамі дзіцянараджэння. Выкарыстанне складаных і ўнікальных тэхналогій у акушэрстве і гінекалогіі дазваляюць жанчынам, якія маюць хваробы, якія ўскладняюць цяжарнасць і роды стаць маці. Нараджаецца ўсё больш дзяцей у выніку лячэння бясплоддзя метадамі дапаможных рэпрадуктыўных тэхналогій. Меры, накіраваныя на ўмацаванне здароўя маці і дзіцяці, гарантаванне бяспечнага мацярынства знайшлі сваё адлюстраванне ў Нацыянальнай стратэгіі ўстойлівага сацыяльна-эканамічнага развіцця на перыяд да 2025 года. Асаблівая ўвага цяпер удзелена праблеме сацыяльнага сіроцтва. За апошнія гады ўдалося істотна палепшыць сітуацыю. У прыватнасці, скарацілася колькасць дзяцей, якія знаходзяцца ў сацыяльна небяспечным становішчы. Дзяржава прымусіла нядбайных бацькоў працаваць і плаціць за ўтрыманне сваіх дзяцей. Дзяржава дае гарантыю, у тым, што ахова здароўя маці і дзіцяці, умацаванне сямейных каштоўнасцей будуць заставацца асноўнымі задачамі палітыкі нашай краіны.
Выкананне і пашырэнне прынцыпаў сямейнай палітыкі ўсімі інстытутамі грамадства з'яўляецца залогам стабільнасці дзяржавы.
