22 снежня 2023
Індывідуальным прадпрымальнікам!
Індывідуальныя
прадпрымальнікі падлягаюць абавязковаму дзяржаўнаму сацыяльнаму страхаванню.
Пастаноўка на
ўлік індывідуальнага прадпрымальніка ў якасці плацельшчыка ўзносаў у органах
Фонду ажыццяўляецца аўтаматычна з дня ўнясення запісу аб дзяржаўнай рэгістрацыі
ў АДР па месцы жыхарства.
Памер
абавязковых страхавых узносаў для індывідуальных прадпрымальнікаў складае 35
працэнтаў ад даходу (28% - на пенсійнае страхаванне, 6% - на сацыяльнае
страхаванне).
Даход для вылічэння ўзносаў за перыяды ажыццяўлення дзейнасці вызначаецца
індывідуальным прадпрымальнікам самастойна, але не менш за суму памераў
мінімальнай заработнай платы, устаноўленай і праіндэксаванай у адпаведнасці з
заканадаўствам месяцах, за якія выплачваюцца ўзносы.
З 01.01.2023 па 30.11.2023 мінімальная заработная плата ў рэспубліцы складала -
554,00 рубля. Індэксацыя не праводзілася. Такім чынам, за адзінаццаць месяцаў
2023 года пры ажыццяўленні дзейнасці ўсе 11 месяцаў падлягае выплаце ў бюджэт
фонду 2 132,9 рублёў (554,00*11*0,35).
Выплата ўзносаў ажыццяўляецца на працягу справаздачнага года, але не пазней за
1 сакавіка года, наступнага за справаздачным годам.
За 2023 год узносы павінны быць пералічаны ў бюджэт фонду не пазней за 1
сакавіка 2024 года.
Заканадаўствам індывідуальным прадпрымальнікам дадзена права не выплачваць ўзносы
ў бюджэт фонду за перыяды неажыццяўлення дзейнасці ў справаздачным годзе пры
ўмове прадастаўлення ў органы Фонду па месцы пастаноўкі на ўлік справаздачы па
форме ПУ-3 з адлюстраваннем у дадзенай справаздачы такіх перыядаў.
Тэрмін прадастаўлення справаздачы ПУ-3 за 2023 год - не пазней за 31.03.2024.
Добраахвотны парадак выплаты ўзносаў прадугледжаны для індывідуальных
прадпрымальнікаў, якія адначасова з ажыццяўленнем прадпрымальніцкай дзейнасці:
з'яўляюцца атрымальнікамі пенсій;
маюць права на дапамогу па догляду за дзіцём ва ўзросце да 3 гадоў;
атрымліваюць агульную сярэднюю, прафесійна-тэхнічную, сярэднюю спецыяльную,
вышэйшую адукацыю ў дзённай форме атрымання адукацыі.
Для ўстанаўлення льготнага перыяду па пералічаных вышэй падставах,
неабходна звярнуцца ў орган Фонду па месцы пастаноўкі на улік і прадставіць
адпаведныя дакументы, якія пацвярджаюць перыяд і падставу льготы.
Звяртаем увагу, што з 2023 года з кола асоб, якія мелі права добраахвотна
выплачваць узносы, выключаны індывідуальныя прадпрымальнікі, якія адначасова з
ажыццяўленнем прадпрымальніцкай дзейнасці складаюцца ў працоўных адносінах.
Аплату можна зрабіць праз АРІП (АРІП→ФСАН→Віцебская вобласць→ раённы аддзел
(сектар) ФСАН → Узносы ў ФСАН фіз.асоб за сябе → Ваш УНПФ (9 лічбаў)) ці іншым
зручным спосабам.
Падрабязную інфармацыю можна атрымаць у тэрытарыяльным органе Фонду па месцы
пастаноўкі на ўлік.
Віцебскае абласное ўпраўленне
Фонду сацыяльнай абароны працы
