10 красавіка 2023
На Бешанковіччыне стартавала рэспубліканская прафілактычная акцыя МНС "За бяспеку разам"
Статыстыка ўказвае на тое, што пераважнай прычынай гібелі людзей ад пажараў у жыллёвым фондзе з'яўляецца няведанне або грэбаванне мерамі бяспекі, так званы чалавечы фактар - бестурботныя, неасцярожныя дзеянні грамадзян.
Для павышэння ўзроўню бяспекі насельніцтва, актывізацыі пажарна-прафілактычнай работы, аналізу яе эфектыўнасці і ацэнкі гатоўнасці тэрыторый да вясенне-летняга перыяду з 10 па 28 красавіка праводзіцца рэспубліканская акцыя па папярэджанні пажараў і гібелі людзей ад іх у жыллёвым фондзе "За бяспеку разам".
Работнікі раённага аддзела МНС у час назіральных камісій правядуць тлумачальную работу з грамадзянамі, надаўшы асаблівую ўвагу адзінокім і адзінока пражываючым пажылым людзям, інвалідам, шматдзетным сем'ям, абследуюць іх дамы на прадмет пажарнай бяспекі, правядуць гутаркі ў працоўных калектывах, на сельскіх сходах, ва ўстановах адукацыі.
